Ажәабжьқәа

Апоет Рушьбеи Смыр ишәҟәы “Семра” аӡыргара Москва ақалақь аҿы имҩаҧысит

165
12.05.2017 14:58
Апоет Рушьбеи Смыр ишәҟәы “Семра” аӡыргара Москва ақалақь аҿы имҩаҧысит
Ашәҟәы аредактор Алина Жьиба еизаз апоет Рушьбеи Смыр ирҿиареи имариам апоет иҧсҭазааратә мҩеи апоема аҧҵара аҭоурыхи рзеиҭалҳәеит.

Аҟәа. Лаҵарамза 12. Аҧсныпресс. Москва, Некрасов ихьӡ зху ауниверсалтә ҭҵааратә библиотека Хада аҿы аҧсуа поет Рушьбеи Смыр ишәҟәы “Семра” аӡыргара мҩаҧысит. Ашәҟәы аҧсуа бызшәала иҩу апоема аоригинал, иара убас, уи аҭырқәа, аурыс бызшәақәа рахь аиҭагақәагьы анылеит.

“Семра” – XIX ашәышықәса азы Кавказ имҩаҧысуаз, аублаа рықәӡаара аазгаз атрагедиатә хҭысқәа ирызку ҭоурыхтә поемоуп. Ари сахьаркыратә рҿиамҭоуп, уи автор ирҿиареи, иааизакны аҧсуа литературеи рзы акырӡа зҵазкуа хҭысуп.

kniga_Semra.jpg

Ашәҟәы аредактор Алина Жьиба еизаз апоет Рушьбеи Смыр ирҿиареи имариам апоет иҧсҭазааратә мҩеи апоема аҧҵара аҭоурыхи рзеиҭалҳәеит.

Апоетесса Наталиа Орлова, аурыс бызшәа ахь еиҭалгаз апоема “Семра” далацәажәо “Рушьбеи Смыр инапы иҵыҵыз ари арҿиамҭа исызцәырнагаз ацәанырра ҕәҕәа аарҧшра уадаҩуп” ҳәа иазгәалҭеит.

Ахәылҧаз аҿы иара убас иқәгылеит аҭоурыхтә наукақәа рдоктор Иури Анчабаӡе, афилологиатә наукақәа рдоктор Виачеслав Бигәаа, уҳәа убас аӡәырҩы.

Еиҿкааз авидеоааҧхьара ала Рушьбеи Смыр ахәылҧаз аиҿкааҩцәа – Урыстәыла иҟоу Аҧсны Ацҳаражәҳәаҩ Игорь Ахба, Некрасов ихьӡ зху абиблиотека анаҧхгара, аӡыргара аҧшьызгаз аҿар ҭабуп ҳәа реиҳәеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа