Ажәабжьқәа

Популярное

Апартиа “Акзаара” Аҳәынҭқарра Ахадарахь Леонид Ӡаҧшьба икандидатура ықәнаргылеит

6444
11.02.2020 17:33
Апартиа “Акзаара” Аҳәынҭқарра Ахадарахь Леонид Ӡаҧшьба икандидатура ықәнаргылеит
Аҳәынҭқарра Ахада ихаҭыҧуаҩрахь акандидатс далхуп Виктор Ҳашба. 

Аҟәа. Жәабран 11. Аҧсныпресс. Дмитри Басариа. Ареспубликатә политикатә партиа “Акзаара” аизара Ду аҿы, имҩапысраны иҟоу Аҳәынҭқарра Ахада иалхрақәа рахь апартиа ахантәаҩы Леонид Ӡаҧшьба икандидатура ақәыргылареи, Аҳәынҭқарра Ахада ихаҭыҧуаҩрахь акандидатс Виктор Ҳашба иалхреи  рзы аӡбамҭа рыдыркылеит. 
Аусмҩаҧгатә аартуа, Виктор Ҳашба Леонид Ӡаҧшьба иполитикатә программа далацәажәеит.


Виктор Ҳашба иажәақәа рыла, Леонид Ӡаҧшьба иполитикатә программа аиаӡаара иаҿу, “Аҧсуара” ала ишьаҭарку амилаҭтә ҷыдаҟазшьара  аиҭарҿиара, амилаҭтә идеиа аиҭашьақәыргылара, ақырҭуа гани аҧсуа гани рыбжьара аҭынчра азы аиқәшаҳаҭра абжьаҵара ҟалаанӡа изеиҧшразаалак аизыҟазаашьақәа рышьақәыргылара алмыршара, акоррупциа шьаҭанкыла ақәгареи ибжьаратәууи имаҷу абизнеси русхкы аганахьала акредитҟаҵара аполитика ииашаны ашьақәгылареи асоциал политика ииашаны аиҿкаареи раҳасабала ауааҧсыра рыҧсҭазаашьа аҩаӡара аизырҳара, адинхаҵаратә еиҿкаарақәа адгылара рыҭара, аҧсуа бызшәа аҳәынҭқарратә дгылара аҭара, еиҵагыло аҿар апатриотизм рылааӡара, атранспорттә инфраструктура, ақыҭанхамҩа аиҭашьақәыргылара, Абыргцәа Рхеилак инанагӡо ароль аизырҳара, аибашьра иалахәызи аинвалидцәеи ацхыраара рыҭара, еиуеиҧшым аусхкқәа рҿы ззанааҭдырра ҳараку акадрқәа разыҟаҵара, ажәлар зыгәра рго анапхгара аҧҵара, уҳәа азҵаарақәа рыӡбара иадгылоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа