Ажәабжьқәа

Популярное

Апартиа “Аҧсны” аполитхеилак алахәылацәа Аџьынџьтәылатәи еибашьра Дуӡӡа аветеранцәа Аиааира Амш рыдырныҳәалеит!

742
09.05.2018 10:10
Апартиа “Аҧсны” аполитхеилак алахәылацәа Аџьынџьтәылатәи еибашьра Дуӡӡа аветеранцәа Аиааира Амш рыдырныҳәалеит!
“Ҳара аветеранцәа рҿаҧхьа иуалны иҳадуп ари аибашьра хлымӡаах аҿы иҭахази, усҟан имҩаҧысуаз ахҭыс бааҧсқәеи ргәалашәара”, – ҳәа иаҳәоит адныҳәаларатә шәҟәы аҿы.

Аҟәа. Лаҵарамза 9. Аҧсныпресс. Апартиа “Аҧсны” аполитхеилак алахәылацәа Аџьынџьтәылатәи еибашьра Дуӡӡа аветеранцәа Аиааира Амш рыдырныҳәалеит! 
Адныҳәаларатә шәҟәы аҿы ахәҭакахьала иазгәаҭоуп: 

“Ҳаҭыр ду  зқәу аветеранцәа!

Ишәыдаҳныҳәалоит Аиааира Ду Амшныҳәа!

55  нызықьҩык инареиҳаны Аҧсны атәылауаа, Асовет Еидгыла ажәларқәа зегьы реиҧш, асовет архәҭақәа ирылаланы анемец-фашисттә мпыҵахалаҩцәа ирҿагыланы Европа афашизм аҟынтәи ахы иақәиҭыртәуан.

Ари аныҳәа ду, Зыҧсадгьыл хацәнымырха изыхьчоз аветеранцәа гәымшәақәа рзы алаҕырӡ  зцу гәырҕьароуп.

Ҳара аветеранцәа рҿаҧхьа иуалны иҳадуп ари аибашьра хлымӡаах аҿы иҭахази, усҟан имҩаҧысуаз ахҭыс бааҧсқәеи ргәалашәара. Аибашьра адәаҿы наунагӡа иаанхаз Аҧсадгьыл ахьчаҩцәа ргәалашәара ҳгәаҵаҿы иаанхоит, урҭ рыхьӡқәа хашҭшьа рықәым!

Ҳаҭыр ду зқәу ҳветеранцәа, аҭынчреи, агәабзиареи, аҧсуа ишықәснҵыреи, аизҳазыҕьреи гәык-ҧсыкала ишәзеиҕьаҳшьоит! 

Аиааира ду Амшныҳәа шәадныҳәалаз!”

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа