Ажәабжьқәа

Популярное

Апарламент адепутатцәа ахәыҷырацәа змоу аҭаацәа асоциалтә цхыраара рыҭара азы ауснагӡатәқәа рзы Азакәан апроект иахәаҧшит

1104
03.05.2018 16:18
Апарламент адепутатцәа ахәыҷырацәа змоу аҭаацәа асоциалтә цхыраара рыҭара азы ауснагӡатәқәа рзы Азакәан апроект иахәаҧшит
Иарбоу азакәан апроект ахәыҷырацәа змоу аҭаацәа рзы аусдкылареи усураҭыҧла аиқәыршәареи ирзырхоу аҳәынҭқарратә проектқәа рынагӡара азҧхьагәанаҭоит.

Аҟәа. Лаҵарамза 3. Аҧсныпресс. Елена Полуиан. Аҧсны Жәлар Реизара – Апарламент аҿы “Ахәыҷырацәа змоу аҭаацәа асоциалтә цхыраара рыҭара азы ауснагӡатәқәа рзы” Азакәан апроект иахәаҧшит.

Аусшәҟәы адгалара мҩаҧго, асоциалтә политикеи, аџьеи, агәабзиарахьчареи, адемографиеи, аветеранцәеи, аибашьра аинвалидцәеи русқәа рзы Аилак ахантәаҩы Алхас Џьынџьолиа, азакәан апроект ала, ахәыҷырацәа змоу аҭаацәа рзы иҟоу азинҷыда, аминистрцәа Реилазаара Ақәҵарақәа рыла ашьақәырҕәҕәара азҧхьагәаҭоуп ҳәа иазгәеиҭеит. Иара убас, уи иажәақәа рыла, иарбоу азакәан апроект аҿы “иҿыцу лагалакгьы” ыҟоуп. Уи – 3-5-ҩык ахәыҷқәа ахьыҟоу аҭаацәа рзы – акоммуналтә шәатәқәа 50% рыла аиҵатәра азы алшара рзаҧҵахоит, убри аан 6-ҩыки уи инареиҳани ахәыҷқәа змоу рзы – акоммуналтә шәатәқәа рҟынтәи рхы ақәиҭтәра; 3-5-ҩык ахәыҷқәа ахьҟоу аҭацәа рзы – анхарҭа априватизациа амҩаҧгараан аҳәынҭқарратә баџь аиҵатәра; 6-ҩыки уи инареиҳани ахәыҷқәа змоу рзы – еиҭамҵуа амал априватизациа хәыда-ҧсадахоит, иара убас ацәыргақәҵақәеи, аконцертқәеи, акультуратә усмҩаҧгатәқәеи рҭаарагьы хәыда-ҧсадахоит. Убасҵәҟьа иарбоу Азакәан апроект ала, ахәыҷырацәа змоу аҭаацәа рзы аусдкылареи усураҭыҧла аиқәыршәареи ирзырхоу аҳәынҭқарратә проектқәа рынагӡара азҧхьагәаҭоуп.

Азакәан апроект актәи аҧхьараҿы ирыдыркылеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа