Ажәабжьқәа

Анатоли Бибилов Игорь Ахба Аиҩызара орден ианеишьеит

75
13.05.2019 12:54
Анатоли Бибилов Игорь Ахба Аиҩызара орден ианеишьеит
Аахыҵ Уаҧстәыла Ахада Урыстәылатәи Афедерациа иҟоу Аҧсны Ацҳаражәҳәаҩ Игорь Ахба “70 шықәса ихыҵра инамаданы, Аҧсны Аҳәынҭқарреи Аахыҵ Уаҧстәылеи ажәларқәа реиҩызареи русеицуреи рырҕәҕәара аҿы илагала ду азы” Аиҩызара аорден ианашьара азы Аусҧҟа инапы аҵаиҩит.

Аҟәа. Лаҵарамза 13. Аҧсныпресс. Москва иҟоу Аахыҵ Уаҧстәыла Ацҳаражәҳәарҭа аҿы Аахыҵ Уаҧстәыла Ахада Анатоли Бибилов Урыстәылатәи Афедерациа иҟоу аҷыдалкаатә зинмчы змоу Аҧсны Ацҳаражәҳәаҩ Игорь Ахба Аиҩызара орден  ианеишьеит.

Убри аан, Анатоли Бибилов Игорь Ахба  қәнагала иоуз аорден идныҳәало аиҩызаратә аҩҳәынҭқаррак рыбжьара аимабзиаратә еизыҟазаашьақәа аринахысгьы ишрыцҵахо азы агәыҕра шимоу ааирҧшит.

Ахәҭакахьала, Аҧсны Аҳәынҭқарра ацҳаражәҳәаҩ ииоуз аџьшьара азы ҭабуп иҳәеит. “Сара сзы ҳаҭыр дууп Шәара аамҭа ҧшааны хаҭала Аахыҵ Уаҧстәыла аҳәынҭқарратә ҳамҭа ахьсанашәшьаз. Ҳара аринахысгьы ҳҳәынҭқаррабжьаратәи аизыҟазаашьақәа рыҿиара иазырханы иазҧхьагәаҭоу аусура наҳагӡалоит”, – ҳәа иҳәеит адипломат.

Уи аҧхьа Аахыҵ Уаҧстәыла Ахада Анатоли Бибилов Урыстәылатәи Афедерациа иҟоу Аҧсны Ацҳаражәҳәаҩ Игорь Ахба “70 шықәса ихыҵра инамаданы, Аҧсны Аҳәынҭқарреи Аахыҵ Уаҧстәылеи ажәларқәа реиҩызареи русеицуреи рырҕәҕәара аҿы илагала ду азы” Аиҩызара аорден ианашьара азы Аусҧҟа инапы аҵаиҩит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа