Ажәабжьқәа

Популярное

Анатоли Бибилов Аахыҵ Уаҧстәыла Апарламент ахь алхрақәа жәларбжьаратәи амониторинг зхы алазырхәуаз Аҧснытәи аделегациа идикылеит

129
10.06.2019 11:58
Анатоли Бибилов Аахыҵ Уаҧстәыла Апарламент ахь алхрақәа жәларбжьаратәи амониторинг зхы алазырхәуаз Аҧснытәи аделегациа идикылеит
Аахыҵ Уаҧстәылатәи Ареспублика Апарламент ахь алхрақәа мҩаҧысит рашәарамза 9 рзы.

Аҟәа. Рашәарамза 10. Аҧсныпресс. Аахыҵ Уаҧстәылатәи Ареспублика Ахада Анатоли Бибилов Аахыҵ Уаҧстәыла Апарламент ахь алхрақәа жәларбжьаратәи амониторинг зхы алазырхәуаз Аҧснытәи аделегациа идикылеит. 

Аҳәаанырцәтәи анаҧшыҩцәа раҳасабала алхрақәа ралахәхаразы идәықәҵан акультуреи аҿари аспорти рзы Аҧсны Жәлар Реизара – Апарламент Аилак ахантәаҩы Венори Бебиеи, жәларбжьаратәии апарламентбжьаратәии аимадарақәеи аџьынџьуаа рымадареи рзы Аҧсны Жәлар Реизара – Апарламент Аилак алахәыла  Ашот Миносиани, Аҧсны алхратә Комиссиа Хада ахаҭарнак Алиас Бранӡиеи. 

Анатоли Бибилов асасцәа аамҭа ҧшааны Ареспубликазы ас еиҧш аҵак ду змоу аусмҩаҧгатә рхы ахьаладырхәыз азы иҭабуп ҳәа реиҳәеит. 

“Ҳара алхрақәа рҽазыҟаҵареи, урҭ рымҩаҧгареи ирыдҳәалаз аусмҩаҧгатәқәа зегьы иҭышәынтәаланы рымҩаҧысразы иҳалшоз зегьы  рыҟаҵара ҳҽазаҳшәеит. Алхрақәа – ари аиҿагыларатә дәы акәӡам, ари ныҳәоуп зегьы рзы. Уажәы ҳара “алхрақәа ишахәҭоу ала имҩаҧысит” ҳәа ҿыҕәҕәала иаҳҳәарц ҳалшоит”, – ҳәа иҳәеит Анатоли Бибилов. 

Ахәҭакахьала, Венори Бебиа Аҳәынҭқарра Ахада идкыларазы ҭабуп ҳәа еиҳәеит. 

Уи иара убас алхыҩцәа алхратә ҭыҧқәа рахь ааира ҳаракын ҳәа иазгәеиҭеит. Аҧснытәи асасцәа ишазгәарҭаз ала, алхратә зин анормақәа рыла уахәаҧшуазар, алхырҭатә ҭыҧқәа рҿы изеиҧшразаалак азинеилагарақәа ҳәа шьақәыргылаӡамызт, аокругтә алхратә комиссиақәа русура ахәшьара ҳаракы аҭан. 

Аиҧылара иара убас рхы аладырхәит Аахыҵ Уаҧстәыла Ареспублика Ахада иҳәынҭқарратә абжьгаҩ Владимир Гулиев, Аахыҵ Уаҧстәыла адәныҟатәи аусқәа рминистр Дмитри Медоеви, Аахыҵ Уаҧстәыла иҟоу, аҷыдалкаатә зинмчы змоу  Аҧсны Ацҳаражәҳәаҩ Алан Елбакиеви.


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа