var _ba = _ba || []; _ba.push(["aid", "09660acced7930fc288966bc3ec915ee"]); _ba.push(["host", "apsnypress.info"]); (function() {var ba = document.createElement("script"); ba.type = "text/javascript"; ba.async = true;ba.src = (document.location.protocol == "https:" ? "https://" : "http://") + "bitrix.info/ba.js";var s = document.getElementsByTagName("script")[0];s.parentNode.insertBefore(ba, s);})();
Ажәабжьқәа

Популярное

Анаплакы “Аҧсны аҩқәеи аӡқәеи” аҿы ашықәсҿыцтәи адизаин змоу ашампантә ҩқәа рыхкы ҿыц аҭыжьра хацыркуп

160
04.01.2017 11:00
Анаплакы “Аҧсны аҩқәеи аӡқәеи” аҿы ашықәсҿыцтәи адизаин змоу ашампантә ҩқәа рыхкы ҿыц аҭыжьра хацыркуп
Ашықәс ҿыц инаркны аныҳәатә дизаин змоу ачаҭаҳәа ишуа аҩқәа Урыстәылатәи Афедерациа ахь рдәықәҵара иалагоит.

Аҟәа. Ажьырныҳәа 4. Аҧсныпресс. Мадина Чагәааҧҳа. Иарку Аокционертә Еилазаара “Аҧсны аҩқәеи аӡқәеи” аҿы ашықәсҿыцтәи адизаин змоу ашампантә ҩқәа рыхкы ҿыц аҭыжьреи, ашықәсҿыцтәи аишәачара аҿы хадара злоу арыжәтә џьбара – ашампантә ҩы аҭыжьра аметодқәеи ртәы Аҧсныпресс акорреспондент диҽцәажәо еиҭеиҳәеит анаплакы аиҳабы ихаҭыҧуаҩ Валери Аҩӡба.

Валери Аҩӡба ишазгәеиҭаз ала, Иарку Аокционертә Еилазаара “Аҧсны аҩқәеи аӡқәеи” аҿы адунеизегьтәи астандартқәа ирықәшәо, ачаҭаҳәа ишуа аҩқәеи ашампантә ҩи ҭрыжьуеит. “Иарбоу, аҩқәа рыхкы аликиор злоу аҩлыхтә маҭәахәы ҩынтәтәи ашра аметод ала иҟаҵоуп. Ашампантә ҩы ҧсабарала еилашуа иҟазҵо ахатәы газ алазароуп. Ари – адунеи аҿы ишьақәырҕәҕәоу стандартуп. Ҳара ҳнаплакгьы есымша иарбоу апараметрқәа ирықәныҟоит”, – ҳәа иҳәеит аилазаара аҩыҟаҵаҩ еиҳабы.

Убри аан, Валери Аҩӡба инаҵшьны иазгәеиҭеит: “Иарку аокционертә Еилазаара” Аҧсны аҩқәеи аӡқәеи" иҭнажьуа аалыҵ аҭыҧантәи ахархәаҩцәа рыдагьы жәларбжьаратәи аконкурсқәа рҿы ахәшьара ҳаракы аиуеит. Уи арҵабыргуеит Москва ақалақь аҿы, цәыббрамза 2015 шықәсазы имҩаҧысыз иџьбароу арыжәтәқәа жәларбжьаратәи аконкурс. Уа зыдгалара мҩаҧгаз ”Ишуа аҧсуа ҩыҟаҧшь” ахьтәы медал анашьахеит.

Валери Аҩӡба иазгәеиҭеит: “ҳазҭалаз ашықәс ҿыц азы ҳара ҳнаплакы ашықәс ҿыцтәи адизаин змоу ашампантә ҩқәа рцәаҳәа ҿыц аҭыжьра хацнаркит. Аҩқәа рхаҭабзиара шыҟац иаанхоит. Аныҳәатә дизаин змоу, ачаҭаҳәа ишуа аҩқәа Урыстәылатәи Афедерациа ахь рдәықәҵара иалагоит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа