Ажәабжьқәа

Анапхгарабжьаратәи акомиссиа атуристцәа рыдкылара аусхкы аҿы азакәанҧҵара ақәныҟәара ахьынзалыршо агәаҭарақәа мҩаҧнагоит

135
19.06.2019 11:40
Анапхгарабжьаратәи акомиссиа атуристцәа рыдкылара аусхкы аҿы азакәанҧҵара ақәныҟәара ахьынзалыршо агәаҭарақәа мҩаҧнагоит
Уи азы Ақәҵара инапы аҵаиҩит атәыла аҧыза-министр Валери Бганба.

Аҟәа. Рашәарамза 19. Аҧсныпресс. Аҧсны аҧыза-министр Валери Бганба анапхгарабжьаратәи акомиссиа атуристцәа рыдкылара аусхкы аҿы азакәанҧҵара ақәныҟәара ахьынзалыршо агәаҭарақәа рымҩаҧгара азы Ақәҵара инапы аҵаиҩит.

Агәаҭаратә усмҩаҧгатәқәа рымҩаҧгара акоординациа аҭара азы анапхгараҩжьаратәи акомиссиа аҧҵоуп. Уи напхгара аиҭоит аҳәынҭқарра аҧыза-министр ихаҭыҧуаҩ, афинансқәа рминистр Џьансыхә Нанба.

Аусшәҟәы инақәыршәаны, акомиссиа ҳазҭоу ашықәс, цәыббрамза 30 иахымгакәа “атуристцәа рыдкылара мҩаҧызго аиуристтә хаҿқәеи хазхаҭалатәи ахаҿқәеи рганахьала акомплексттә усмҩаҧгатәқәа рынагӡара алыршара адҵоуп”.

Акомиссиа акомплексттә усмҩаҧгатәқәа рылҵшәақәа рзы аҳасабырба, мчыбжьык ахь знык Аҧсны аминистрцәа Реилазаара ахь адгалара хымҧада имҩаҧнагалароуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа