Ажәабжьқәа

Популярное

Анӡор Ашәхаҵаа: аҧсаҵла аҭиразы иақәнагахартә еиҧш 12-15 шықәса иреиҵамкәа еизҳалароуп

343
09.01.2018 14:48
Анӡор Ашәхаҵаа: аҧсаҵла аҭиразы иақәнагахартә еиҧш 12-15 шықәса иреиҵамкәа еизҳалароуп
Аҧсны аҧсаҵлақәа рыҧҟара азы ақәиҭымтәра алагалареи аҧсқьарра иадҳәалоу ахҭысқәа раарҧшреи рзы Аҧсныпресс акорреспондент диҿцәажәо еиҭеиҳәеит абнатә нхамҩа азы аҳәынҭқарратә Усбарҭа анаҧхгаҩы Анӡор Ашәхаҵаа

Аҟәа. Ажьырныҳәамза 9. Аҧсныпресс. Мадина Чагәааҧҳа. Аҧсны аминистрцәа Реилазаара Ақәҵара инақәыршәаны, Ашықәс Ҿыц аламҭалазы Аҧсны иахьаҵанакуа аҧсаҵлақәа рыҧҟара азы ақәиҭымтәра шьақәырҕәҕәан. Ахәҭакахьала, абнатә нхамҩа азы аҳәынҭқарратә Усбарҭеи Аҧсны аҩныҵҟатәи аусқәа Рминистрра аекономикатә цәгьоурақәа рҿагылара азы Аусбарҭеи  ашықәсҿыцтәи аныҳәақәа раламҭалазы аҧсқьарра иадҳәалоу ахҭысқәа раарҧшра иадҳәалаз аусмҩаҧгатәқәа еиҿыркааит. Абри атәы Аҧсныпресс акорреспондент диҿцәажәо иҳәеит абнатә нхамҩа азы аҳәынҭқарратә Усбарҭа анаҧхгаҩы Анӡор Ашәхаҵаа.

Анӡор Ашәхаҵаа ишазгәеиҭаз ала, агәаҭаратә усмҩаҧгатәқәа рымҩаҧгара аан аҧсқьарра иадҳәалоу ахҭысқәа  аарҧшхеит: “Аҧсқьарра ашәагаақәа реилкаареи ралкаареи уадаҩуп, избан акәзар аҧҟарақәа еилазго рыла иалгахоит 1, 2 ҵла. Аҧсныҟа иаагоу аҧсаҵлақәа реиҳарак Урыстәылатәиқәоуп. Уи ҳара ҳзы хра злоу ҭагылазаашьаны иҟоуп, избан акәзар, Урыстәылантәи заҟа еиҳаны аҧсаҵлақәа аагахо аҟара, убри аҟара иҧырҟо аҧснытәи аҧсаҵлақәа рхыҧхьаӡара еиҵахоит. Аҧсаҵла аҭиразы иақәнагахартә еиҧш 12-15 шықәса иреиҵамкәа еизҳалароуп”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа