Ажәабжьқәа

Аминистрцәа Реилазаара иҳаҩсыз ашықәс азы афинансқәа Рминистрра аусура азы аҳасабырба шьақәнарҕәҕәеит

209
28.02.2019 14:14
Аминистрцәа Реилазаара иҳаҩсыз ашықәс азы афинансқәа Рминистрра аусура азы аҳасабырба шьақәнарҕәҕәеит
“Афинансқәа Рминистрра 2018 шықәса иалагӡаны аусура азы” Аҳасабырба Аминистрцәа Реилазаара аилатәара аҿы ишьақәдырҕәҕәеит.

Аҟәа. Жәабранмза 28. Аҧсныпресс. Ҭамара Ачҧҳа/ Лана Ҵәыџьҧҳа. Аминистрцәа Реилазаара аилатәара аҿы “Афинансқәа Рминистрра 2018 шықәса иалагӡаны аусура азы” Аҳасабырба адгалара мҩаҧигеит аҧыза-министр ихаҭыҧуаҩ, афинансқәа рминистр Џьансыхә Нанба. 

Афинансқәа рминистр аамҭахәҭақәа рыла еихшаны Аминистрра аусура азы адыррақәа ҟаиҵеит: “Иҳаҩсыз 2018 -тәи ашықәс, иамоу азинмчы инақәыршәаны, афинансқәа Рминистрра Аҳәынҭқарратә биуџьет еизаку ашәахтәнҵақәа реиқәыршәареи рынагӡареи мҩаҧнагон.

Есыҽны: афинанстәрақәа, акассатә харџьқәа, абиуџьеттә ҧаратә хархәагақәа рзоужьра, уҳәа ахылаҧшырҭа аҭакҧхықәра иаҵанакуа ауснагӡатәқәа рганахьала инагӡоу асистематә ҳасабырбареи, абиуџьет аҟынтәи аҧара зауа рфинанстәра азы аоперативтә информациа аиқәыршәареи. 

Есымчыбжьы: Ареспубликатә биуџьет ахашәалахәи ахарџьи рзы адырранҵақәа реиқәыршәара. 

Есымза: Ареспубликатә биуџьет ахашәалахәи ахарџьи рзы аҳасабырба аиқәыршәара, Нхыҵ Кавказ аусқәа рзы Урыстәылатәи Афедерациа Аминистрра ахь анашьҭра азы Аҧсны Аҳәынҭқарра абиуџьет анагӡара азы Аҳасабырба ашьақәыргылара.

Иара убас, есҧшьбарак рзы – 2018-тәи ашықәс актәи аҧшьбара, ашықәсыбжа, жәымз рзы Ареспубликатә биуџьет анагӡара алҵшәақәа ирызку аматериалқәа, анаҩс урҭ Аҳәынҭқарра Ахада, аминистрцәа Реилазаара, Жәлар Реизара – Апарламент, Ахылаҧшратә Палата рахь анашьҭразы  реиқәыршәара. 

Хазы Џьансыхә Нанба афинансқәа Рминистрра ахазынаҵәахырҭа Аусбарҭа аусура азы аҳасабырба ҟаиҵеит: “Афинансқәа Рминистрра ахазынаҵәахырҭа Аусбарҭа аҿы еиуеиҧшым аҩаӡарақәа рҿы аус зуа абиуџьеттә усзуҩцәа абиуџьет аҟынтәи  ироуа аҧаратә хархәагақәа рныхра ахылаҧшра аҭара азы Аусбарҭа иаду аҭакҧхықәреи афункциақәеи ралкаареи рышьақәырҕәҕәареи иазырхоу аусура иацҵан. 2018 шықәсазы абиуџьет анагӡаразы ахазынаҵәахратә система ахь ииаган ареспубликатә биуџьет аҟынтәи афинанстәра зауаз 18 усбарҭеи, аҭыҧантәи абиуџьет аҟынтәи афинансттәра зауаз 4 усбарҭаки. Иара убас, 2018 шықәса иалагӡаны, Аусбарҭа ала абиуџьеттә усбарҭақәак ироуа ахашәалахәы аҳасабырбара азы ахаҿытә ҧхьаӡамҭақәа аартын. Зынӡа 31.12.2018 шықәсазы афинансқәа Рминистрра аҿы 1 011 ахаҿытә ҧхьаӡамҭақәа амаҵзура алыршахеит”. 

Иара убас, афинансқәа рминистр Ахылаҧшра-гәаҭаратә Усбарҭа аусура азы адырра ҟаиҵеит: Иазҧхьагәаҭаз аусмҩаҧгатәқәа ирылан 14 обиектк ргәаҭара. Убри аан, 2018 шықәса ажьырныҳәамза инаркны ҧхынҷкәынмза иҭагӡоу аамҭахәҭазы 22 гәаҭара мҩаҧгахеит. Уи иаанаго, ицәырҵыз ахымҧадатәра инамаданы аплан ахыхь анагӡара ауп. Агәаҭаратә усмҩаҧгатәқәа рылҵшәақәа рыла, абиуџьеттә хархәагақәа хра злам ала ахархәара аганахьала абиуџьеттә закәанҧҵара аилагарақәа аарҧшхеит. Иаарҧшыз аилагарақәа рырҽеира азы иашьашәалоу аӡбамҭақәа рыдыркылеит”. 

Убасҵәҟьа, Џьансыхә Нанба иажәақәа рыла, Аминистрра аиуристтә Усбарҭа аҿы арбитражтә напхгараҭара аусхкы аиҿкаара иазырхоу ашәҟәынҵақәа реиқәыршәара иадҳәалоу аусура активла имҩаҧысуеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа