Ажәабжьқәа

Аминистрцәа Реилазаара асанаториа-ҧсшьарҭатә комплексқәа рзы адгьылқәа азоунажьит

568
10.09.2015 13:37
 Аминистрцәа Реилазаара асанаториа-ҧсшьарҭатә комплексқәа рзы адгьылқәа азоунажьит
Аминистрцәа Реилазаара аилатәара аҿы асанаториа-ҧсшьарҭатә комплексқәа рыргылара азы адгьылқәа рзоужьра иазку аӡбара рыдкылан. 

Аҟәа. Сентиабр 10. Аҧсныпресс. Аминистрцәа Реилазаара ақыҭақәа Лӡаа (0,16 га), Цәкәара (0,98 га), Гәымсҭа (0,65 га), ақалақь Аҟәа (0,36 га), иҟоу адгьылҭыҧқәа рҿы асанаториа-ҧсшьарҭатә комплексқәа рыргылара иазку адгьыл азоужьра азы рыбжьы рҭиит. 

Убри аан, анаҧхгараҭара ахаҭарнакцәа адгьыл ахархәаразы азин зауз аиҿкаара аҿы аҧҵаҩцәа рыҧсахра азҵаара мап ацәкразы аиустициа Аминистрра иахәҭоу аусқәа еиҿнакаарц ажәлагала ҟарҵеит. “Ари адгьылҭыҧқәа раахәареи рыҭиреи имаӡоу аформа амоуроуп”, – ҳәа инаҵшьны иазгәеиҭеит аҧыза-министр Артур Амқәаб. 

Иара убри адагьы, аилатәара аҿы аҳәынҭқарратә мал иахыҧхьаӡалоу хаҭалатәи ахь ииагатәу аобиектқәа рсиа шьақәырҕәҕәан. Убри аан, адәқьанқәа хаҭалатәи ахархәара ахь риагара ашьҭахь, ганкахьала излацәажәоз Ареспубликатә унитартә наплакы “Аҧснышәҟәы” акәын, урҭ рхырхарҭа 5 шықәса ирылагӡаны аиҭакрақәа амоуроуп. 

Иара убас Аминистрцәа Реилазаара аилатәара аҿы Дмитри Осиа Аҳәынҭқарратә еимадара анаҧхгареи амассатә коммуникациеи анаҧхгаҩыс даҭоуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа