Ажәабжьқәа

Ҭамаз Цахнакиа Гагра араион иаҵанакуа ахәышәтәырҭақәа акурорттә аамҭахәҭа ишазыҟаҵоу гзеиҭеит

161
30.05.2019 11:59
Ҭамаз Цахнакиа Гагра араион иаҵанакуа ахәышәтәырҭақәа акурорттә аамҭахәҭа ишазыҟаҵоу гзеиҭеит
Ахәышәтәырҭақәа хәшәылеи, егьырҭ ахархәагақәеи рыла реиқәыршәара аҩаӡара ҷыдала ахшыҩзышьҭра аҭан.

Аҟәа. Лаҵарамза 30. Аҧсныпресс. Аҧсны агәабзиарахьчара аминистр Ҭамаз Цахнакиа Гагра араион ахь аусуратә ҭаара мҩаҧигеит. Аусуратә ҭаара Гагра араион иаҵанакуа ахәышәтәырҭақәа акурорттә аамҭахәҭа ишазыҟаҵоу агәаҭара хықәкы хадас иаман. Абри атәы аанацҳауеит аҳәынҭқарра агәабзиарахьчара Аминистрра апресс-маҵзура.

Агәаҭарақәа мҩаҧган Гагратәи ахәышәтәырҭа хадеи Пицундатәи ахәышәтәырҭеи рҿы. Аацҳамҭа излаанацҳауа ала, ахәышәтәырҭақәа хәшәылеи, егьырҭ ахархәагақәеи рыла реиқәыршәара аҩаӡара ҷыдала ахшыҩзышьҭра аҭан.

Ҭамаз Цахнакиа иажәақәа рыла, уажәазы аҳақьымцәа  ихымҧадатәиу амедицинатә цхыраара аҭаразы иахәҭоу аматериалқәа рыла еиқәыршәоуп. Аха ари абаза, атуристцәа рхыҧхьаӡара ессааира иахьеизҳауа, убри инамаданы аацҳарақәа иахьеиҳахо ҳасаб азуны, ианаамҭоу ихарҭәаалатәуп, еизырҳалатәуп.

Иара убас, атәыла агәабзиарахьчара аминистр ирццаку амедицинатә цхырааразы афельдшертә  бригадақәа рхыҧхьаӡареи, уахи-ҽни иааиҧмырҟьаӡакәа амедицинатә цхыраара аҭара алыршаразы, Гагратәи ахәышәтәырҭа Хада аҿы аҧыҧшырҭатә персонал ахыҧхьаӡареи аизырҳаразы адҵа ҟаиҵеит. Ари аӡбамҭа, Аҧсны егьырҭ араионқәа рҟынтәи иаадыҧхьалахо аҳақьымцәа рыцхыраарала инагӡахоит.

Убасҵәҟьа, аминистр Афон Ҿыц ақалақьгьы даҭааит. Араҟа лаҵарамза 28 рзы иалагеит ауааҧсыра рзеиҧш диспансеризациа. Иазгәаҭоуп, иарбоу апроцесс иазҧхьагәаҭоу анормақәеи аусуратә графики рыла ишымҩаҧысуа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа