Ажәабжьқәа

Популярное

Ҭамаз Цахнакиа Аҧсны амедицина аусзуҩцәа зегьы иааиуа рзанааҭныҳәа рыдиныҳәалеит

65
14.06.2019 10:30
Ҭамаз Цахнакиа Аҧсны амедицина аусзуҩцәа зегьы иааиуа рзанааҭныҳәа рыдиныҳәалеит
“Амедицинатә усзуҩ Имш азгәаҭара амҽыша ишақәшәогьы, ари азанааҭ аҧсшьарамшқәеи аныҳәақәеи аздырӡом. Шәҕьырак ари аныҳәа аусуратә ҭыҧ аҿы – ачымазаҩ иааигәара, амедицинатә цхыраара ласс амашьына аҿы, аоперациатә уада аҿы, уҳәа иаҧылоит”, – ҳәа иазгәеиҭеит Ҭмаз Цахнакиа.

 Аҟәа. Рашәарамза 14. Аҧсныпресс. Рашәарамза ахҧатәи амҽыша аҽны Аҧсны, шықәсырацәала ишьақәгылахьоу атрадициа ала, амедицинатә усзуҩ Имшныҳәа азгәарҭоит.  

Аҧсны амедицина аусзуҩцәа зегьы иааиуа рзанааҭныҳәа рыдиныҳәалеит агәабзиарахьчара аминистр Ҭамаз Цахнакиа:

“Иҳалалу аҳақьым изанааҭ зыҧсҭаазаара азызкыз зегьы гәык-ҧсыкала ишәыдысныҳәалоит ари амшныҳәа. Есыҽны ижәбо аџьабааи, убри аан иаашәырҧшуа агәыҳалалреи ачҳареи рыла, шәуалҧшьа анагӡарала, шәара амедицинатә усзуҩ ихьӡ ҳарак ҩаҧхьа ишәырҵабыргуеит.

Амедицинатә усзуҩ Имш азгәаҭара амҽыша ишақәшәогьы, ари азанааҭ аҧсшьарамшқәеи аныҳәақәеи аздырӡом. Шәҕьырак ари аныҳәа аусуратә ҭыҧ аҿы – ачымазаҩ иааигәара, амедицинатә цхыраара ласс амашьына аҿы, аоперациатә уада аҿы, уҳәа иаҧылоит.

Ҳтәыла амедицинатә усзуҩцәа зегьы ирзеиҕьасшьар сҭахуп аманшәалара, ҳтәылауаа рыҧсҭазаара аиқәырхара иазырхоу русура  анагӡараан  ачҳара, амч-алшара!

Ҳаҭыыр зқәу сколлегацәа, ишәзеиҕьасшьоит зегьы раҧхьаӡа иргыланы агәабзиара, амч-алша, аизҳазыҕьара, аманшәалара!”

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа