Ажәабжьқәа

Популярное

Ҭамаз Гогиа Аҳәынҭқарра Ахада иалхрақәа рымҩаҧысшьа азы: аилагарақәа аҭыҧ рымаӡам – азакәанҧҵара аганахьала еиҧш, ауаҩытәыҩсатә фактор аганахьалагьы

165
09.09.2019 14:22
Ҭамаз  Гогиа Аҳәынҭқарра Ахада иалхрақәа рымҩаҧысшьа азы: аилагарақәа аҭыҧ рымаӡам – азакәанҧҵара аганахьала еиҧш, ауаҩытәыҩсатә фактор аганахьалагьы
Аҧсны имҩаҧысит Аҳәынҭқарра Ахада иалхрақәа аҩбатәи атур.

Аҟәа. Цәыббрамза 9. Аҧсныпресс. Дамеи Касланӡиа. Аҧсны алхратә комиссиа Хада ахантәаҩы Ҭамаз Гогиа имҩаҧысыз апресс-конференциа аҿы азакәанҧҵара аганахьала еиҧш, ауаҩытәыҩсатә фактор аганахьалагьы аилагарақәа аҭыҧ рымаӡамызт ҳәа адырра ҟаиҵеит.

Ҭамаз Гогиа иажәақәа рыла, алхрақәа аҵыхәтәантәи аихшьаалақәа хымш ирылагӡаны ирылаҳәахоит.

Ҭамаз Гогиа Аҳәынҭқарра Ахадарахь акандидат Алхас Кәыҵниа имҩаҧысыз алхрақәа разхамҵаразы иҟаиҵаз ааҧхьара аганахьала ирҭаз азҵаара аҭак ҟаҵо иазгәеиҭеит: “Ааҧхьара иарзнак, заанаҵтәи аихшьаалақәа рылаҳәара аҧхьа  иахәаҧшын. Уи ашшра аҟазшьа амаӡамызт. Ахәаҧшара ашьҭахь уи мап ацәкра азы аӡбара ҳадаҳкылеит”.

Иара убас, Ҭамаз Гогиа алхратә комиссиа Хада аиааира згаз иалкаара шымҩаҧнагаз азы алкаақәа ҟаиҵеит: “Алхрақәа рымҩаҧгара аламҭалазы алхратә комиссиа Хада имҩаҧнагаз аилатәарақәа ҩба рҿы аганқәа зегьы ақәыршаҳаҭны – иҟоу азакәанҧҵара инақәыршәаны, абыжьқәа реиҳара аиурала аиааира згаз дшалкаахо азы аӡбара рыдыркылеит. Алхратә комиссиа Хада аӡбамҭақәа зегьы рзашшра ҟалоит, аха избан сыздырам аха, занааҵтәи аихшьаалақәа рылаҳәара ҟалаанӡа изеиҧшразаалак ашшра ҳәа акгьы мааиӡеит. Убри аҟнытә исҳәар сылшоит абас аилагарақәа аҭыҧ рымаӡам – азакәанҧҵара аганахьала еиҧш, ауаҩытәыҩсатә фактор аганахьалагьы.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа