Ажәабжьқәа

Популярное

Амаланыҟәа рныҟәцаҩ Ҟрымтәи Аҧсныҟа аныҟәара мҩаҧигеит

732
05.08.2016 15:29
Амаланыҟәа рныҟәцаҩ Ҟрымтәи Аҧсныҟа аныҟәара мҩаҧигеит
22-шықәса зхыҵуа Волгодонск инхо Данил Варламов Ҟрымтәи Семфирополь аҟынтәи Аҟәаҟа маланыҟәала аара илиршеит.

Аҟәа. Нанҳәамза 5. Аҧсныпресс. Аныҟәара атәы инарҭбааны асаит “Блокнот Волгодонска” аҿы иануп. Волгодонсктәи ажурналистцәа иҟарҵо адыррақәа рыла, ас еиҧш аныҟәара Данил арратә маҵзура данахысуаз иӡбеит.

Аҧара еизганы, аусураҿы иҽрымхны, Данил амҩа дықәлеит. Ҳаирпланла Ростовнтәи Симферополь аҟынӡа днаӡеит, анаҩстәи имҩа маланыҟәала акәын дшахысуаз. Амҩахь уи зынӡа имаҷны амаҭәа шьҭихит: ақьала, ацәарҭа, уҳәа. Аҵх ихигон аҟәараҿы, мамзаргьы адәҳәыҧш аҿы.

“Избаз акыр ирацәоуп: раҧхьаӡа иргыланы, иблахкыгоу аҧсабара, ақалақьқәа ,аныхабаақәа, аберҭыԥқәа, уҳәа убас ирацәаны. Иҩбахаз, еиуеиҧшым аҭыҧ ҧшӡарақәа, аҕбақәа, амҩақәа, амҩахәасҭақәа рбаразы алшара соуит. Амҩахь ирацәаны ауаа сҧылон. Урҭ ацхыраареи адгылареи сырҭон”, – ҳәа игәалаиршәеит аныҟәаҩ қәыҧш Данил.

Данил иҽырҧшы ала, маланыҟәала аныҟәара, џьоукы ргәы ишаанаго ала, ишәарҭам, иагьыуадаҩым ҳәа рырбара илшеит ҳәа агәыҕра имоуп.

”Сани саби азныказы агәҭынчымра рызцәырҵит, аха дареи сареи иааиҧмырҟьаӡакәа ҭелла аимадара ҳабжьан. Сара избаз-исаҳаз атәы рзеиҭасҳәон. Анаҩс, ари аныҟәара сара акыр агәахәара шысзаанаго, даргьы рхаҭақәагьы еилыркааит, сара сзы игәырҕьо иалагеит”, – ҳәа еиҭеиҳәеит иара.

Уажәы Данил 22 шықәса ихыҵуеит, занааҭла иара геодезиступ.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа