Ажәабжьқәа

Популярное

Амаҵурауааи адепутатцәеи рхашәалахәы адекларациа аҭара азы азакәан апроект алацәажәара иацҵоуп

95
28.05.2019 16:16
Амаҵурауааи адепутатцәеи рхашәалахәы адекларациа аҭара азы азакәан апроект алацәажәара иацҵоуп
Аҧсны Жәлар Реизара – Апарламент аҿы азакәан апроект аҩбатәи аҧхьара мҩаҧысит.

Аҟәа. Лаҵарамза 28. Аҧсныпресс. Мадина Чагәааҧҳа. Аҧсны Жәлар Реизара-Апарламент аҿы аҩбатәи аҧхьараҿы “Амаҵурауааи адепутатцәеи рхашәалахәы адекларациа аҭара азы” Азакәан апроект рыдыркылеит.

Азакәан апроект адгалара мҩаҧго, жәларбжьаратәи, апарламентбжьаратәи, аидгьылуаа рыбжьара аимадареи рзы апарламенттә Еилакы ахантәаҩы инапынҵақәа назыгӡо Асҭамыр Логәуа, иарбоу азакәан апроект изныкымкәа Апарламент аҿы еиҧш, уи анҭыҵгьы, алацәажәара шаиухьо азгәеиҭеит: “Азакәан апроект шьаҭанкылатәи аиҭакрақәеи ацҵақәеи алагалахеит. Сара сгәаанагарала, уи Апарламент аҵыхәтәантәи аҧхьараҿы  ирыдыркылартә еиҧш ихиоуп. Усҟан уи ажьырныҳәамза 1, 2020 шықәса рзы азинмы аиуоит. Сара ишәыдысгалоит уи аҧхьа аҳәынҭқарратә маҵзура азы азакәан ҳахәаҧшырц”.

Аха убри аан, абиуџьети акредиттә еиҿкаарақәеи, ашәахтәқәеи, афинансқәеи рзы Апарламент Аилак ахантәаҩы Натали Смыр азакәан апроект 4 аҧхьарак рҿы ахәаҧшра дшадгыло азгәалҭеит. Уи лажәақәа рыла, уажәазы ари аусшәҟәы “нагӡаны еиқәыршәаӡам”. “Иара убри адагьы, ҳара аҳәынҭқарратә маҵзура азы азакәан адкылара иадҳәалоу аусура ҳалагароуп. Иарбоу азакәан аус адаҳулар, усҟан уи ҧымкрада адкылара алыршахоит”, – ҳәа иҳәеит Асҭамыр Логәуа. 

Аилацәажәара ашьҭахь, азакәан апроект 4 аҧхьарак рҿы ахәаҧшразы аӡбамҭа рыдыркылеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа