Ажәабжьқәа

Амҩатә ҧҟарақәа еилазго рыҧшаара иадҳәалоу аусура арҕәҕәареи, иахәҭоу ахьырхәра рақәыршәареи хымҧадатәиуп: атәыла аҩныҵҟатәи аусқәа рминистр аҳәынҭқарратә автоинспекциа аусура иазкны аилатәара мҩаҧигеит

151
28.02.2019 13:10
Амҩатә ҧҟарақәа еилазго рыҧшаара иадҳәалоу аусура арҕәҕәареи, иахәҭоу ахьырхәра рақәыршәареи хымҧадатәиуп: атәыла аҩныҵҟатәи аусқәа рминистр аҳәынҭқарратә автоинспекциа аусура иазкны аилатәара мҩаҧигеит
Аҧсны аҩныҵҟатәи аусқәа рминистр амаҵзурақәа рнапхгаҩцәа аҳәынҭавтоинспекциа аусураҿы иҟоу агхақәа рырҽеиреи, иара убас апрофилактикатә гәҽанызаарара аганахьала анапынҵақәа риҭеит.

Аҟәа. Жәабранмза 28. Аҧсныпресс. Аҧсны аҩныҵҟатәи аусқәа рминистр Гарри Аршба ахылаҧшырҭа аҟәшеиҵақәа рнапхгаҩцәеи, амҩатә стационартә ҧыҧшырҭақәа реиҳабацәеи алархәны, аҳәынҭавтоинспекциа аусура иазкны аусуратә еилатәара мҩаҧигеит.
        
Аҧсны аҩныҵҟатәи аусқәа Рминистрра аҳәынҭавтоинспекциа Аусбарҭа анапхгаҩы Баҭал Агрба иҳаҩсыз ашықәс  азы амҩатә ҧҟарақәа реилагара астатистика ааигеит.

Аҳәынҭавтоинспекциа араионтә ҟәшақәа реиҳабацәа ирыдҵоу атерриторриақәа рҿы имҩаҧгоу аусура азы аҳасабырба ҟарҵеит.

Автотранспорт ала аныҟәара ашәарҭадареи, амҩатә машәырқәа рыҧхьырҟәҟәаареи рзы атәыла амҩныҵҟатәи аусқәа Рминистрра аганахьала ареспубликатә мҩақәа зегьы иҷыдоу ахылаҧшара алыршахарц, амҩатә ҧҟарақәа еилазго рыҧшаара иадҳәалоу аусура арҕәҕәареи, хымҧада иахәҭоу ахьырхәра рақәыршәареи рзы адҵақәа ҟаиҵеит.

Убри аан, аҩныҵҟатәи аусқәа рминистр амаҵузаратә леишәа аҟәныҟәареи, амаҵзуратә ҭакҧхықәра анагӡареи ҷыдала ахшыҩзышьҭра аиҭеит. “Аҧсны аҩныҵҟатәи аусқәа Рминистрра аҳәынҭқарратә автоинспекциа Аусбарҭа аусзуҩцәа рганахьала амаҵзуратә леишәа аҧҟарақәа ҕәҕәала реилагара азы ахьырхәра хымҧадоуп”, – ҳәа инаҵшьны иазгәеиҭеит Гарри Аршба.  

Иара убас, аилатәара хыркәшо, аҩныҵҟатәи аусқәа рминистр амаҵзурақәа рнапхгаҩцәа аҳәынҭавтоинспекциа аусураҿы иҟоу агхақәа рырҽеиреи, иара убас апрофилактикатә гәҽанызаарара аганахьала анапынҵақәа риҭеит.

Ауаажәларреи, амассатә информациа ахархәагақәеи алархәны азинеилагарақәа рыҧхьырҟәҟәаареи раарҧшреи рзы аҳәынҭқарратә автоинспекциа аусура арҕәҕәарала, амҩақәа рҿы иҟоу аҭагылазаашьа аиҕьтәреи, убри ала амашәырқәа ирыхҟьаны ауааҧсыра рҭахара аанкылареи алыршахоит ҳәа инаҵшьны иазгәеиҭеит атәыла аҩныҵҟатәи аусқәа рминистр Гарри Аршба.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа