Ажәабжьқәа

Популярное

Амҳаџьырқәа рыҧшаҳәаҿы адәахьтәи ахәаахәҭра иатәу иласу аибыҭарақәа рықәгара иалагеит

596
14.10.2015 15:05
Амҳаџьырқәа рыҧшаҳәаҿы адәахьтәи ахәаахәҭра иатәу иласу аибыҭарақәа рықәгара иалагеит
Аҳҭнықалақь Ахадара аҧхынтәи аамҭахәҭа ашьҭахь иаанханы иҟаз адәахьтәи ахәаахәҭра иатәу иласу аибыҭарақәа рықәгара иалагеит. 

Аҟәа. Октиабр 14. Аҧсныпресс. Ирена Џьопуаҧҳа. Акурорттә аамҭахәҭа хыркәшахеит. Амҳаџьырқәа рыҧшаҳәа аҿы аус зуаз адәахьтәи ахәаахәҭра иатәыз аҿхышәқәа русура аангылеит, аха урҭ зтәу аҧшәмацәа, ақалақь Ахадара урҭ рықәгара хымҧада ишрыхәҭоу азы адырра шрырҭахьазгьы, ақалақь амҩақәа ишрынгылаз иаанхеит. 

Аҳҭнықалақь Ахадара аусзуҩцәа рхатәы мчыла урҭ рықәгара мҩаҧыргеит, ҳәа “Аҧсныпресс” акорреспондент диҿцәажәо аҳәамҭа ҟаиҵеит ақалақь асанитартә рыцқьара азы анџьныр хада Аслан Ломиа. 

“Аҧхын амшын аҧшаҳәаҿы аус зуаз анаплакыҩцәа рҟынтәи иааныркылоз адгьылҵакыра ишахәҭоу ала аҭыҧ иқәызҵаз даара имаҷҩуп. Урҭ рахьтә 60% инареиҳаны рҭыҧқәа ишабалак иааныжьны, агәамсам кажьны ицеит. Ҳара уи зегьы ақәгара ҳаҿуп. Иазгәасҭарц сҭахыуп, абас ахымҩаҧгашьа аазырҧшыз анаплакыҩцәа иааиуа акурорттә аамҭахәҭа азы аусуразы алицензиа аиура иақәымгәыҕроуп ҳәа. Ҳара уи азы акырынтә урҭ зегьы ргәы рҽанаҳҵахьан”, – ҳәа инаҵшьны иазгәеиҭеит Аслан Ломиа. 

Убри аан, уи иара убас, иҳаҩсыз ашықәс иаҿырҧшны уахәаҧшуазар, сынтәа иқәгамкәа иаанхаз ахәаахәҭратә ҿхышәқәа рхыҧхьаӡара акыр еиҳауп ҳәа азгәеиҭеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа