Ажәабжьқәа

Популярное

Алықьса Гогәуа: сыҧсҭазаара зегьы Аҧсны ауп изызку!

295
15.03.2017 12:39
Алықьса Гогәуа: сыҧсҭазаара  зегьы Аҧсны ауп изызку!
Аҧсны Ахада Рауль Ҳаџьымба ашәҟәыҩҩы-апрозаик, Аҧсны ашәҟәыҩҩцәа Реидхыла алахәыла Алықьса Гогәуа “Ахьӡ-Аҧша” аорден I аҩаӡара ианеишьеит.

Аҟәа.Хәажәкыра 15. Аҧсныпресс. Мадина Чагааҧҳа. Аҧсны Ахада Рауль Ҳаџьымба иҭижьыз Аусҧҟа инақәыршәаны, Аҧсны ашәҟәыҩҩцәа Реидхыла алахәыла Алықьса Гогәуа “Ахьӡ-Аҧша” аорден I аҩаӡара ианашьахеит. Иахьа, Алықьса Гогәуа диҧыло, Аҳәынҭқарра Ахада ашәҟәыҩҩы 85-шықәсатәи ииубилеи идиныҳәало аҳәынҭқарратә ҳамҭа ианеишьеит.

Рауль Ҳаџьымба инаҵшьны иазгәеиҭеит: “Ҳара ҳабацәа, 85-шықәса зхыҵыз ауаҩы иҧсҭазаратә мҩа абжа ауп дызнысыз ҳәа ирҳәон. Шәара шәусура атәы ауаажәларра зегьы ирдыруеит.Шәара аҧсуаа рмилаҭтә-хақәиҭратә қәҧара ахыҵхырҭаҿы шәгылан. Асовет мчра ахыбгалара аламҭалазы,Асовет Еидгыла Иреиҳаӡоу Асовет адепутат иаҳасабала, Шәара Владислав Арӡынба шәивагыланы ицәырҵуаз азҵаара хадақәа шәыӡбон”.

Хаҭала, “Ахьӡ-Аҧша” аорден акавалер,ашәҟәыҩҩы-апрозаик Алықьса Гогәуа инаҵшьны иазгәеиҭеит: "Сара сыҧсадгьыл сгәы исзалымхуа бзиа избоит, уи аҧеиҧш лаша азааҧсара еснаггьы сазхиоуп!Сара сусумҭақәа зегьы–аҳамҭақәа раиура иазырхаӡам, аус злоу, сыҧсҭазаара зегьы Аҧсны ауп изызку!”

Аиҧылара аҿы атәыла аҧыза-министр Беслан Барцыц ашәҟәыҩҩы ииубилеи иадҳәалоу аусмҩаҧгатәқәа реиҿкаара иазку аҳәынҭқарратә Комиссиа инарҭбаау аилатәара аҿы иашьашәалоу Аплан шьақәырҕәҕәан ҳәа адырра ҟаиҵеит. “Хәажәкырамза анҵәамҭазы Аҧснытәи адраматә театр аҿы шәара шәырҿиаратә хәылҧазы амҩаҧгара азҧхьагәаҭаны иҳамоуп” ҳәа иҳәеит Беслан Барцыц.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа