Ажәабжьқәа

Популярное

Алхратә ҭыҧқәа рҿы азинеиҿкаара азы 1 000-ҩык инарзынаҧшуа аҩныҵҟатәи аусқәа рыҟәша аусзуҩцәа аус рулоит

27
19.03.2020 18:40
Алхратә ҭыҧқәа рҿы азинеиҿкаара азы 1 000-ҩык инарзынаҧшуа аҩныҵҟатәи аусқәа рыҟәша аусзуҩцәа аус рулоит
Валери Бганба Аҳәынҭқарра Ахада иалхрақәа раан азинеиҿкаара алыршара иазкны аилатәара мҩаҧигеит.

Аҟәа. Хәажәкырамза 19. Аҧсныпресс. Аҳәынҭқарра Ахада инапынҵақәа назыгӡо, аҧыза-министр Валери Бганба Аҳәынҭқарра Ахада иалхрақәа раан азинеиҿкаара алыршара иазкны аилатәара мҩаҧигеит. Аилатәара рхы аладырхәит аҳәынҭқарратә шәарҭадара Амаҵзура ахантәаҩы Зураб Маршьан, аҩныҵҟатәи аусқәа рминистр Раули Смыр, Аҳәынҭқарратә хьчара амаҵзура инапынҵақәа назыгӡо Зураб Занҭариа, ашәарҭадара Ахеилак амаӡаныҟәгаҩ инапынҵақәа назыгӡо Беслан Кәыҵниа, Аҳәынҭқарра Ахада Иусбарҭа анапхгаҩы аамҭала инапынҵақәа назыгӡо Дмитри Шамба, уҳәа убас егьырҭгьы.

Аацҳамҭа излаанацҳауа ала, аилатәара аҿы алхратә ҭыҧқәа рҿы азинеиҿкаара иазкны аусмҩаҧгатәқәа рымҩаҧгара азҵаара иалацәажәеит.

Аҳәынҭқарра Ахада инапынҵақәа назыгӡо ирҭаз адыррақәа рыла, алхратә ҭыҧқәа рҿы азинеиҿкаара азы 1 000-ҩык инарзынаҧшуа аҩныҵҟатәи аусқәа рыҟәша аусзуҩцәа аус рулоит.

Аилатәара иалахәыз иара убас ирылацәажәеит акороновирустә ҿкы чымазара аларҵәара алмыршара азы апрофилактика амҩаҧгареи, анаҧшыҩцәеи алхратә комиссиа аусзуҩцәеи русура ашәарҭадаразы иманшәалоу аҭагылазаашьақәа раҧҵара иалацәажәеит. Асанитар-епидемиологиатә маҵзура иҟанаҵо адыррақәа рыла, алхратә комиссиа Хада амедицинатә сабрадақәеи асептикатә маҭәашьарқәеи рыла еиқәыршәахоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа