Ажәабжьқәа

Алхратә Комиссиа Хада апресс-центр аҿы жәларбжьаратәи анаҧшыҩцәа алхырҭатә ҭыҧхадақәа рҿы иҟоу аҭагылазаашьа иалацәажәоит

589
25.08.2019 18:18
Алхратә Комиссиа Хада апресс-центр аҿы жәларбжьаратәи анаҧшыҩцәа алхырҭатә ҭыҧхадақәа рҿы иҟоу аҭагылазаашьа иалацәажәоит
Аҧсны Аҳәынҭқарра Ахада иалхрақәа мҩаҧысуеит.

Аҟәа. Нанҳәамза 25. Аҧсныпресс. Дамеи Касланӡиа. Алхратә комиссиа Хада жәларбжьаратәи апресс-центр аҿы жәларбжьаратәи анаҧшыҩцәа рҧыларақәа мҩаҧысуеит.

Германиатәи бундестаг адепутат Штефан Коитер дызҭааз алхырҭатә ҭыҧқәа рҿы иҟоу аҭагылазаашьа далацәажәеит: “Анаҧшыҩцәа ргәыҧк аилазаараҿы ҳара 10 рҟынӡа алхырҭатә ҭыҧқәа рҭааразы алшара ҳауит. Ҳусура алҵшәагьы абас ауп ишыҟоу: ҳахьыҟаз аучасткақәа зегьы рҿы алхрақәа ҭышәынтәаланы имҩаҧысуеит, адемократиатә ҟазшьа рныҧшуеит. Аҭыҧкәа рҿы агәалаҟазаара бзиа шьақәгылоуп, иҕәҕәоу аилагарақәа ҳәа акгьы аарҧшӡам”.

Венесуела Алхратә комиссиа Хада атехнологиақәа рдиректор Хада Магло Монтилла алхрақәа рахь иоуз ааҧхьаразы ҭабуп ҳәа  иҳәеит: “Сара гәахәарыла исыдыскылеит ари ҳаиашьаратә ҳәынҭқарра Ахада иалхрақәа рахь исоуз ааҧхьара. Амш иалагӡаны ҳара ҳарҭааит Аҟәа ақалақь аҿы иҟоу алхырҭатә ҭыҧхадақәа зегьы. Алхыҩцәа раара аҩаӡара ҳараки алхрақәа рыпроцесс аартны ишымҩаҧысуеи азгәасҭарц сҭахуп. Ари апроцесс ҭышәынтәаланы, адемократиатә формала ишымҩаҧысуа, насгьы алҵшәа бзиақәа шаанарҧшуа азы Венесуела ахьӡала агәыҕра аасырҧшуеит”.

Аахыҵ Уаҧстәылантәи анаҧшыҩцәа рделегациа убасҵәҟьа алхрақәа рымҩаҧысшьеи, алхыҩцәа разыҟазаареи рганахьала хра злоу азгәаҭарақәа ҟарҵеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа