Ажәабжьқәа

Популярное

Алхас Конџьариа: иахьатәи амш азы Аҧсны акоронавирус зыхьуа аӡәгьы даарҧшӡам

87
30.03.2020 21:03
Алхас Конџьариа: иахьатәи амш азы Аҧсны акоронавирус  зыхьуа аӡәгьы даарҧшӡам
Аҧсны ауааҧсыра акороновирусттә ҿкы чымазара рацәыхьчара азы Аоперативтә Штаб адырра ҟанаҵоит…

Аҟәа. Хәажәкырамза 30. Аҧсныпресс. Аҧсны ауааҧсыра акороновирусттә ҿкы чымазара рацәыхьчара азы Аоперативтә Штаб ахантәаҩы, агәабзиарахьчареи асоциалтә еиқәыршәареи рминистр ихантәаҩы Алхас Конџьариа хәажәкырамза 30 рзы атәыла аҿы аепидимиологиатә ҭагылазаашьа зеиҧшроу азы адырра ҟаиҵеит.

Аҳәамҭа аҿы, ахәҭакахьала иазгәаҭоуп:

“Иахьазы Аҟәа ақалақь аинфекциатә хәышәтәырҭа ахь пациентк днаган. Уи аимҳәаршәаа ҳәа адиагноз изықәыргылан. Иахьатәи амш азы Аҧсны акоронавирус зыхьуа аӡәгьы даарҧшӡам.

Аҵыхәтәантәи уахыки-ҽнаки рзы аколл-центр ахь 150 рҟынӡа ҭелла азыҳәамҭақәа ҟалеит.

Иахьатәи амш инаркны Акоординациатә штаб атәыла аҿы аус зуа амедицинатә усбарҭақәа зегьы рҟынтәи амедицинатә персонал еиҵбы рзы атренингқәа рымҩаҧгара иалагоит.

Ауааҧсыра иаадырҧшуа аилкаара азы ҭабуп ҳәа раҳәо, ҩаҧхьа аҩны аҟазаареи, ихымҧадатәиу аҭагылазаашьақәа рыда аҩны адәылымҵреи рзы ааҧхьара ҟаҳҵоит. Излауа ала, акарантин аҧҟарақәа еилашәымган”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа