Ажәабжьқәа

Александр Анқәаб Леонид Тибилови Аахыҵ Уаԥстәыла ажәлари Ахьыԥшымра Амш рыдиныҳәалеит.

343
20.09.2013 11:13

Аԥсны Аҳәынҭқарра ахада Александр Анқәаб Аахыҵ Уаԥстәыла Ареспублика ахада Леонид Тибилов иахьа Аахыҵ Уаԥстәыла Ахьыԥшымра Амш идиныҳәалеит.

 

«Ҳаҭыр зқәу Леонид Харитон-иԥа!

Иахьа ҳаиашьаратә Аахыҵ Уаԥстәыла ажәлар рхьыԥшымра 23 шықәса ахыҵра азгәарҭоит.

Даара ихьанҭаз ашықәсқәа шәырхысит – иҟан иуадаҩыз ахҭысқәеи, иара убасгьы аиааирақәа иазхаҵоу аҳәынҭқарра аргылара амҩаҿы.

Иахьатәи аныҳәа азгәаҭара зыбзоуроу акыр шықәса рыԥсадгьыл аҿы анхареи аҿиареи рзы ззинқәа зыхьчоз  Аахыҵ Уаԥстәылантәи ҳашьцәеи ҳаҳәшьҵәеи роуп.

Ари аныҳәа аҵак дуӡӡа амоуп.

Ҳаамҭазтәи Аахыҵ Уаԥстәылатәи аҳәынҭқарра қәҿиарала аҭоурыхтә аамҭа ҿыц иахысуеит. Егьырҭ аамҭақәа реиԥш Аахыҵ Уаԥстәыла ажәлар аекономикеи асоциальтә инфраструктуреи шьақәдыргылеит. Ҳара агәра аагоит Аахыҵ Уаԥстәала Ареспублика иреиӷьӡоу алҵшәақәа шаанарԥшуа.

Гәык-ԥсык ала ҳаиашьаратә жәлар ирзеиӷьасшьоит аҭынчреи аманшәалареи! Шәара, исызгәакьоу Леонид Харитон-иԥа, ишәзиеӷьасшьоит ақәҿиарақәа Шәыԥсадгьыл амаҵ азураҿы!

Ҳаҭырла, Александр Анқәаб.

Аҟәа ақ.

Цәыббрамза 20, 2013 ш.»

 

                                                          


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа