Ажәабжьқәа

Популярное

Александр Анқәаб: Аԥснытәи аҿар Европа аҵара ахысразы ироуа алшарақәа рхы иадырхәалароуп.

352
13.08.2012 13:07
Александр Анқәаб: Аԥснытәи аҿар Европа аҵара ахысразы ироуа алшарақәа рхы иадырхәалароуп.

Иахьа аҳәынҭқарра ахада Александр Анқәаб Кан Ҭаниеи Тимур Реквавеи идикылеит. Кан Флоренциатәи ауниверститет аҿы «Аҳәынҭқарратә напхгара» азанааҭ далгеит, Тимур – шықәсык ҵуеит италиатәи иреиҳаӡоу аҵараиурҭаҿы аҵара иҵоижьҭеи. Аҷкәынцәа Италиа аҵара рҵартә иҟалеит Тоскана ақалақь аҟынтәи Ассоциациа «Рондине» апроект иабзоураны.

Аҳәынҭқарра ахада дадҵаалон Италиа аҵара аиуразеи анхаразеи иҟоу аҭагылазаашьақәа.

Аҷкәынцәа еиҭарҳәеит Ассациациа ахахьы ишагоу, рҵара, рынхара, рыфара, рныҟәарақәа.

Кан Ҭаниеи Тимур Реквавеи ААУ аҿы аҵара рҵон. Италиаҟа дцаандӡа Кан ҩ-курск хиркәшахьан, Тимур аекономикатә факультет далганы аррамацзура дахысхьан Кан Ҭаниа ианиабжьига Италиаҟа ацара. Аиҿцәажәара данахыс ашьҭахь иара дрыдыркылеит.

Аҷкәынцәа иазгәарҭеит Италиа аҭагылазаашьақәа зегьы шырзаԥҵоу аҵаразы, раԥҳьа ауадаҩрақәа шрызҵәырҵуазгьы абызшәа ахьырзымдыруаз иахҟьаны.

Ассоциациа «Рондине» азеиԥшнхарҭаҿы иҟоуп аконфликтқәа ахьыҟоу арегионқәа рҟынтәи астудентцәа.

Аҷкәынцәа аҳәынҭқарра ахада еизеиҭарҳәеит Ассоциациа имҩаԥнаго апроектқәа зегьы рхы шрылыдырхәуа. Акоенференциақәа руак аҿы далахәын Италиа аԥыза-министр Марио Монти.

Александр Анқәаб Аԥснытәи аҿар Европа аҵара ахысразы ироуа алшарақәа рхы иадырхәалароуп ҳәа.

Аҳәынҭқарра ахада Кан Ҭаниеи Тимур Реквавеи ақәҿиарақәа рзеиӷьеишьеит.


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа