Ажәабжьқәа

Популярное

Алашарбага аҳаблаҿы иҟоу агәамшьҭаҵарҭатә ҭыҧ аркхоит абҵарамза 30 рзы

39
11.04.2019 17:11
Алашарбага аҳаблаҿы иҟоу агәамшьҭаҵарҭатә ҭыҧ аркхоит абҵарамза 30 рзы
Уаанӡа иҟоу аамҭа иалагӡаны, Алашарбага аҳаблаҿы агәамкажьырҭа аҭыҧ аркразы  агәам-сам еилызхуа мыругала еиқәыршәоу аполигон аргылара иахәҭоу аусмҩаҧгатәқәа нагӡахоит.

Аҟәа. Мшаҧымза 11. Аҧсныпресс. Аҳәынҭқарра Ахада Рауль Ҳаџьымба Аҟәа ақалақь аҿы абзазаратә црыҵқәа рышьҭаҵара азҵаара иазкны Ашәарҭадара Ахеилак аилатәара мҩаҧигеит.

Аилатәараҿы Алашарбага аҳаблаҿы агәамкажьырҭа аҭыҧ аркразы  агәам-сам еилызхуа мыругала еиқәыршәоу аполигон аргылара шаҭаху азгәаҭан.

Ари аусмҩаҧгатә Аинвестициатә программала иазҧхьагәаҭоу афинанстә харџь азоужьрала анагӡара алыршахоит Гәылрыҧшь араион аҟны аполигон аргыларазы ахарџь ахәҭак арахь аиагарала Урыстәылеи Аҧсни Реиҳабырабжьаратә комиссиа азыразхара аҳәаақәа ирҭагӡаны. Анаҩстәи Аиҳабырабжьаратә комиссиа аилатәара мҩаҧысуеит 2019 ш. лаҵарамзазы.

Аполигон аргыларазы аусура, аекологиатә, агеодезиатә, агидрологиатә, агидрометеорологиатә, агеологиатә ҭҵаарақәа налаҵаны, иара убас апроекти аусуратә документациеи разырхиара шықәсыбжак аҭахуп.

Аилатәара аихшьалақәа рыла, Алашарбага араион аҟны агәамшьҭаҵарҭатә ҭыҧ 2019 шықәса, абҵарамза 30 рзы иаркхоит ҳәа аӡбамҭа рыдыркылеит. Убри аамҭа иалагӡаны, абзазаратә црыҵ кьакьақәа еилыганы рышьҭаҵарҭа аргылареи ахархәарахь рыҭареи рзы ауснагӡатәқәа зегьы мҩаҧгахоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа