Ажәабжьқәа

Популярное

Аклассикатә музыка агәыҳалалратә концерт Аҧсны аҳҭнықалақь аҿы имҩаҧгахоит

77
09.10.2018 12:07
Аклассикатә музыка агәыҳалалратә концерт Аҧсны аҳҭнықалақь аҿы имҩаҧгахоит
Акультура-гәыҳалалратә Фонд “Ашана” ахылаҧшра ахылаҧшра аҵаҟа иҟоу ахәыҷқәа ацхыраара рыҭара азы еиҿкаахо агәыҳалалратә концерт, жьҭаарамза 15 рзы, Р. Гәымба ихьӡ зху аҳәынҭқарратә филармониа асцена аҿы имҩаҧгахоит.

Аҟәа. Жьҭаарамза 9. Аҧсныпресс. Аҟәа ақалақь, жьҭаарамза 15 рзы, Р.Гәымба ихьӡ зху аҳәынҭқарратә филармониа асцена аҿы Акультура-гәыҳалалратә Фонд “Ашана” ахылаҧшра аҵаҟа иҟоу ахәыҷқәа ацхыраара рыҭара азы еиҿкаахо агәыҳалалратә концерт мҩаҧгахоит.

Жьҭаарамза 15, асааҭ 18:00 рзы, Р. Гәымба ихьӡ зху аҳәынҭқарратә филармониа асцена аҿы раҧхьаӡа акәны дықәгылоит акомпозитор, апианист Алексеи Хевелев – Великобританиа имҩаҧысуаз С. Прокофиев ихьӡ зху афестиваль аҿы ахьтәы медал занашьаз, М. Ростропович ихьӡ зху афонд астипендиат, Урыстәыла акомпозиторцәа Реидгыла алахәыла,  жәларбжьаратәи аконкурсқәа рлауреат.

Иара убас, Афилармониа асценаҿы, Аҧсны жәлар рартистка Нора Аџьынџьал наҧхгара зылҭо Аҧсны аҳәынҭқарратә хортә капелла инанагӡоит аҧснытәии аҳәаанырцәтәи акомпозиторцәа рырҿиамҭақәа. Убасҵәҟьа дықәгылараны дыҟоуп ашәаҳәаҩы, аҧсуа романсқәа рынагӡаҩы Мадина Кәарцхьелиа. 

Аконцерт аҿы иӡыргахоит авенилтә пластинка “33 октября”. 

Аусмҩаҧгатә аҳәаақәа ирҭагӡаны еизгахо аҧаратә хархәагақәа, адиагноз “кифосколиоз IV аҩаӡара” ала ҕәҕәала ичмазаҩу, Афонд “Ашана”аҟынтәи ахылаҧшра змоу, Ҭмара Ҭарба лыхәшәтәра азы идәықәҵахоит.

Аконцерт ахәаҧшра азы абилетқәа афилармониа акассақәа рҿы иааухәар ҟалоит. 

Иназыцҵоу адыррақәа раиуразы шәасыр алшоит абарҭ аҭелқәа рыла: +7 (940) 927-00-62, +7 (940) 998-09-93, +7 (940) 733-12-12.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа