Ажәабжьқәа

АКХ: Аҧсны анҭыҵ алхырҭатә ҭыҧхадақәа хҧа аҧҵоуп

73
16.07.2019 16:33
АКХ: Аҧсны анҭыҵ алхырҭатә ҭыҧхадақәа хҧа аҧҵоуп
Аҧсны анҭыҵ иаҧҵоу алхырҭатә ҭыҧхадақәа Аҟәатәи алхырҭатә округ №6 иаҵанакит.

Аҟәа. Ҧхынгәымза 16. Аҧсныпресс. Лана Ҵәыџьба. Иахьа Алхратә Комиссиа Хада аҿы Аҧсны Аҳәынҭқарра Ахадарахь акандидатцәа рықәыргыларазы аҧшьгаратә гәыҧқәеи аполитикатә Партиақәеи рышәҟәҭагалара хыркәшахоит. Аҧсны Аҳәынҭқарра Ахада иалхрақәа мҩаҧсраны иҟоуп нанҳәамза 25 рзы.

Алхратә Комиссиа Хада аҟынтәи Аҧсныпресс ахь иаарыцҳаз адыррақәа рыла, АКХ аӡбамҭа ала Аҧсны анҭыҵ, ақалақьқәа Москва, Черкесск, Сҭамбыл  аҿы Аҧсны Аҳәынҭқарра Ахада иалхрақәа рзы алхратә ҭыҧхадақәа хҧа аҧҵахоит. Аҧсны анҭыҵ иаҧҵоу алхырҭатә ҭыҧхадақәа Аҟәатәи алхырҭатә округ №6 иаҵанакит.


(АП): Алхрақәа рымҩаҧгаразы азакәанҧҵара инақәыршәаны, Аҧсны анҭыҵ иаҧҵоу алхратә ҭыҧхадақәа рҿы аус зуа алхратә комиссиақәа, алхрақәа 30-мшы шыбжьоу, аҳәаанырцәтәи аҳәынҭқарра аҿы иҟоу Аҧсны Аҳәынҭқарра адипломатиатә, мамзаргьы аҷыдалкаатә зинмчы змоу ахаҭарнакра анапхгаҩы идгаларала, Аҧсны алхратә комиссиа Хада ала ишьақәырҕәҕәазароуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа