Ажәабжьқәа

Популярное

Ахшәааратә хсаалагақәа “Аҧра” ахархәаҩцәа аҧхынтәи аамҭахәҭазы напынҵала ироуз аҧара 1 млрд. мааҭ рҟынӡа инаӡоит

527
26.09.2016 11:23
Ахшәааратә хсаалагақәа “Аҧра” ахархәаҩцәа аҧхынтәи аамҭахәҭазы напынҵала ироуз аҧара 1 млрд. мааҭ рҟынӡа инаӡоит
Аҧсны Аҳәынҭқарра Амилаҭтә банк Амилаҭтә Ашәаратә Система “АҦРА” аҧхынтәи аамҭахәҭа иалагӡаны аусура адыррарбагақәа аланарҵәеит.

Аҟәа. Цәыббрамза 26. Аҧсныпресс. Рашәарамза 1 инаркны нанҳәамза 31 рҟынӡа Ахшәааратә хсаалагақәа “Аҧра” ныҟәызго ахархәаҩцәа (еиҳарак Урыстәылатәи Афедерациа аҟынтәи Аҧсны иаҭаауа атуристцәа) аҧхынтәи аамҭахәҭа иалагӡаны напынҵала ироуз аҧара 1 млрд. мааҭ рҟынӡа инаӡои. Уи, иҳаҩсыз ашықәс иаҿырҧшны 425,9 млн. мааҭ рыла еиҳауп. Абри атәы аанацҳауеит Аҧсны Аҳәынҭқарра Амилаҭтә банк аофициалтә саит.

Аҳәамҭаҿы ишаҳәо ала, иарбоу аамҭахәҭа иалагӡаны абанктә хсаалагақәа “Аҧра” ала имҩаҧгаз атранзакциа аицҵалыҵ 1,0 млрд. мааҭ рҟынӡа инӡоит.

Убри аан, Ареспублика Аҧсны ишьақәгылоу “Аҧра” атерминалқәа рхыҧхьаӡара аизырҳарала еиуеиҧшым ахәаахәҭра-маҵзуратә наплакқәа рҿы аҧараеикәыршара акыр ишеизҳаз убаратәы иҟоуп, ҳәа аҳәамҭаҿы инаҵшьны иазгәаҭоуп.

Аҧхынтәи аамҭахәҭа иалагӡаны ахсаалагақәа рхархәарала 209 млн. мааҭ рҟынӡа атауарқәеи амаҵзурақәеи рыхәҧса шәоуп. Уажәтәи аамҭазы, атәыла иахьаҵанакуа 80 инареиҳаны абанкоматқәеи 700 инарзынаҧшуа атерминалтә хархәагақәеи шьақәыргылоуп. Урҭ абанктә хсаалагақәа ахархәаҩцәа рымаҵ азура иазырхоуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа