Ажәабжьқәа

Популярное

Ахра Арсҭаа: акзаароуп ҳажәлар ргәазыҳәарақәа рынагӡара алзыршаз!

945
19.04.2018 12:46
Ахра Арсҭаа: акзаароуп ҳажәлар ргәазыҳәарақәа рынагӡара алзыршаз!
Аҟәа ақалақь аҿы Аполитикатә партиа “Аҧсны” аизара Ду мҩаҧысуеит.

Аҟәа. Мшаҧымза 19. Аҧсныпресс. Мадина Чагәааҧҳа. Аҟәа ақалақь аҿы Аполитикатә партиа “Аҧсны” Аҩбатәи аизара Ду аусура иалагеит. Аизара Ду рхы аладырхәуеит Аҧсны Ахада ихаҭыҧуаҩ Витали Габниа, Жәлар Реизара – Апарламент адепутатцәа, аветерантә еиҿкаарақәа рхаҭарнакцәа. Атәыла аҩныҵҟа ишьақәгылаз аполитикатә ҭагылазаашьеи, ареформақәа рымҩаҧгара рхымҧадатәреи, акоррупциа аҿагылареи, ажәлар ракзаареи азы ажәахә ҟаҵо дықәгылеит апартиа ахантәаҩы Ахра Арсҭаа.
 
“Аизара Ду амҩаҧгара азы аӡбамҭа Аиааира Амш аиубилеитә рыцхә азгәаҭара аламҭалазы адкылара машәыршақә иҟамлаӡеит. Уи акыр иазхәыцны, ишьаҭаркны иҟалеит, иҳаҩсхьоу, ҳазнысхьоу зегьы ҳасаб азуны, ҧхьаҟатәи аҧеиҧш азхәыцра азы алшара аҧнаҵоит”, – ҳәа иазгәеиҭеит Ахра Арсҭаа.

Апартиа ахантәаҩы Аҧсны аҭоурыхтә мҩа далацәажәеит: “25 шықәса раҧхьа, адунеи атәылақәа рҕьырак рганахьала аҿагылара шыҟазгьы, акыр ишыуадаҩызгьы, хә-нызықьҩык инареиҳаны рыҧсы ақәҵаны, ҳажәлар иаадырҧшыз акзаара иабзоураны, Аиааира Ду агара ҳалшеит. Акзаара иабзоураны ҳажәлар амҳаџьырра ашьҭахьгьы, 1918 шықәсазы ақырҭуа ар имҩаҧнагоз ампыҵахалареи, ҩажәижәабатәи ашықәсқәа рзы ҿыц аҿиара иаҿыз аҧсуа интеллигенциа ақәгаразы имҩаҧгаз аҽазышәареи, уҳәа аџьамыҕәа цәгьа рыхганы, аӡәк еиҧш еидгылаз ҳажәлар аиҭаҿиара амҩа ианылеит, 70-тәи ашықәсқәа рынҵәамҭаз Аҧснытәи аҳәынҭқарратә Университети амилаҭтә телехәаҧшреи аҧҵара рылдыршеит. Ажәлар ракзаареи, рфырхаҵареи, рдоуҳатә мчи роуп Аҧсны Аџьынџьтәылатәи аибашьраан аиаира агареи ихьыҧшым Аҧсуа ҳәынҭқарра аҧҵареи зыбзоуроу”.

Ахра Арсҭаа инаҵшьны иазгәеиҭеит: “20-тәи ашәышықәса азы ҳажәлар иамаз аихьӡарақәа зегьы, зқьышықәса иагәылганы иааргаз, Аҧсны аҳәынҭқарра аиҭашьақәыргылара иазкыз ахықәкы ауп изыдҳәалоу. Жәаҳәарада, акзаароуп ҳажәлар ргәазыҳәарақәа зегьы рынагӡара алзыршаз!"

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа