Ажәабжьқәа

Популярное

Ахәыҷқәа аибашьра иазкны иаҧҵоу ашәақәа рҳәоит:аҟәатәи ашколхәыҷқәа Аџьынџьтәылатәи Еибашьра Дуӡӡа аветеранцәа ирҧылеит

281
07.05.2018 16:15
Ахәыҷқәа аибашьра иазкны иаҧҵоу ашәақәа рҳәоит:аҟәатәи ашколхәыҷқәа Аџьынџьтәылатәи Еибашьра Дуӡӡа аветеранцәа ирҧылеит
А. Пушкин ихьӡ зху Аҟәатәи абжьаратәи ашкол №2 аҵаҩцәа Аџьынџьтәылатәи Еибашьра Дуӡӡа аветеранцәа ирҧылеит.

Аҟәа. Лаҵарамза 7. Аҧсныпресс. Дамеи Касланӡиа. Москва Аҩны аҿы, Москва ақалақь жәларбжьаратәии адәныҟаекономикатәии аимадарақәа рдепортамент иҟанаҵаз адгылара иабзоураны, А. Пушкин ихьӡ зху Аҟәатәи абжьаратәи ашкол №2 аҵаҩцәеи Аџьынџьтәылатәи Еибашьра Дуӡӡа аветеранцәеи реиҧылара мҩаҧысит.

“Аветеранцәа рҿаҧхьа иқәгылаз ашколхәыҷқәа, Аҟәатәи абжьаратәи ашкол №2 аҿы имҩаҧгаз алҧшааратә конкурс “Ахорқәа реиндаҭлара” аҳәаақәа ирҭагӡаны иалҧшаан, - ҳәа адырра ҟалҵеит Москва Аҩны аинформациатә ҟәша аиҳабы Дианы Занҭариаҧҳа.

Аветеранцәа рахь лхы рханы, ашкол адиректор Ирина Повирскер илҳәеит: “Издыруеит шаҟа ишәзымариамыз иахьа абраанӡа ааира. Аха ҳара ҳхәыҷқәа  Шәара шәҿаҧхьа ақәгылара акыр ҭакҧхықәрала рҽазыҟарҵон. Ас еиҧш аиҧыларақәа ҳара есышықәса еиҿаҳкаауеит. Еиҵагыло аҿар раӡара аҿы уи зеиҕьаҟам усны иҳаҧхьаӡоит. Рыцҳарас иҟалаз, ашықәсқәа цацыҧхьаӡа аветеранцәа рхыҧхьаӡара есааира имаҷхоит, аха урҭ ҳгәаҵаҿы наунагӡа иаанхоит. Ишәзеиҕьаҳшьар ҳҭахуп ашықәснҵыра ду, агәабзиара, агәалаҟазаара бзиа!

Ахәҭакахьала, аветеран Алексеи Шьониа ашколхәыҷқәа еиҿыркааз аныҳәатә усмҩаҧгатә азы ҭабуп ҳәа раҳәо, раҧхьаҟатәи аҭынч ҧсҭазаараҿы ақәҿиара дуқәа рзеиҕьаишьеит. “Ахәҷқәа иахьа даара ҳдыргәырҕьеит. Насыҧ шәымазааит ахьыбҿар! Шәынхала Аиааира асимвол еиҧш шәыҕәҕәаӡа, Кремль Ду иахашәыршәыруа абираҟ еиҧш иҳаракхааит шәыгәҭакқәа зегьы! Аха убри аан, ишәхашәмышҭуазароуп шәабдуцәа аҭынч ҧсҭазаара ашьақәгыларазы ирылдыршаз!” – ҳәа инаҵшьны иазгәалҭеит аветеран Валентина Шульгина.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа