Ажәабжьқәа

Ахҧатәи аусдулара: Аҟәа ақалақь аҿы апальмақәа аҧхасҭа зырҿио ахәаҷа-маҷақәа рҟынтәи ахәшәтәра иацҵоуп

31
07.05.2019 15:23
Ахҧатәи аусдулара: Аҟәа ақалақь аҿы апальмақәа аҧхасҭа зырҿио ахәаҷа-маҷақәа рҟынтәи ахәшәтәра иацҵоуп
Аҟәа ақалақь Ахадара Акоммуналтә маҵзурақәа ҩаҧхьа апальмақәа апалматә ҧынҵау ҟаҧшь аҟынтәи ахәтәра иалагеит.

Аҟәа. Лаҵарамза 7. Аҧсныпресс. Аҟәа ақалақь Ахадара Акоммуналтә маҵзурақәа, аекологцәа ирыднагалаз асхема ала, абар шьҭа хынтәны ақалақь аҿы апальмақәа аҧхасҭа зырҿио ахәаҷа-маҷақәа рҟынтәи ахимиатә маҭәашьарқәа рыла аусдулара мҩаҧыргоит. Абри атәы аанацҳауеит аҳҭнықалақь Ахадара аофициалтә саит.

Аҵиаақәа рыхәтәразы ахимиатә маҭәашьарқәа рыҭара мҩаҧнагоит аекологиеи аҧсабара ахьчареи рзы аҳәынҭқарратә Еилакы.

“Аусурақәа зегьы аекологцәа рабжьгарақәеи рхылаҧшреи рыҵаҟа имҩаҧысуеит. Ҳара ҳхықәкы – аҵиаақәа апестицидқәа рыла аус рыдызуло аспециалистцәа ахимиатә амаҭәашьарқәеи атехникеи рыла реиқәыршәара ауп. Аҧхасҭа зырҿио ахәаҷа-маҷа аҵиаа ашьапы аҩныҵҟа иҟоуп. Убри аҟнытә уи баша ахәшә ақәҭәарала аҵиаа инагӡаны ахәышәтәра залыршахом. Убри азы аҵиаа аҩныҵҟа ашәыра ала ахәшә аҭаҭәара хымҧадатәиуп. Убысҟан ауп аҧхасҭа зырҿио ахәаҷа-маҷа ақәгара анзалыршахо, – ҳәа еиҭеиҳәеит аҳҭнықалақь акоммуналтә Усбарҭа аиҳабы Дмитри Аҳәба.


(АП): Раҧхьаӡа акәны апаьлматә ҧынҵау ҳәа изышьҭоу аҧхасҭа зырҿио ахәаҷа-маҷа хкы Аҧсны иқәнагалеит 2016 шықәсазы аҳабла Ҵандрыҧшь аҿы. 2018 шықәсазы уи анаҩс аҽаланарҵәо иалагеит, иаарҧшхеит Гагра, ҧыҭрак ашьҭахь Аҟәа ақалақь аҿы. Убри инаркны Аҟәа ақалақь аҿы, апальматә ҧынҵау аҟынтәи аҧырхага зауз 30 пальма рҟынӡа ҧҟаны иқәыргар акәхеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа