Ажәабжьқәа

Популярное

Аиод злоу аџьыкхыш Аҧсны ауааҧсыра рцәеижь аиод азымхара апроблема аӡбара иацхраар алшоит

706
05.08.2016 11:59
Аиод злоу аџьыкхыш Аҧсны ауааҧсыра рцәеижь аиод азымхара апроблема аӡбара иацхраар алшоит
Ауаҩы ицәеижь аиод азымхара апроблема иазкын Аҟәа имҩаҧысыз анаука-практикатә конференциа.

Аҟәа. Нанҳәамза 5. Аҧсныпресс. Ирена Џьопуаҧҳа. Аконференциа аартуа, амедицинатә усзуҩцәа Рассоциациа анаҧхгаҩы Хада Гьаргь Мқанба, аиод азымхара ауаҩы ицәеижь акыр иаҧырхагоуп ҳәа азгәеиҭеит. “Аиод азымхара ауаҩы ицәеижь аиммунатә система аиҧҟьара ацуп. Уи аҟырҟтәы уатала шәагаала аизҳара, апсихикатә чымазарақәа рцәырҵра, ахшаараиурҭатә функциа алаҟәра, агәы, адақәа рчымазара, уҳәа убас ирацәаны ахьаақәа цәырнагоит”, – ҳәа инаҵшьны иазгәеиҭеит Гьаргь Мқанба.

Ахәҭакахьала, агәабзиарахьчара аминистр ихаҭыҧуаҩ Баҭал Кациа иқәгылараҿы иазгәеиҭеит: “Ари апроблема аиҿкааратә ҳасабла ирмарианы аӡбара алшоит. Зегьы ирдыруазар ҟалап аиод азымхара ауаҩы ицәеижь ааха ду анаҭар шалшо, зегьы раҧхьаӡа иргыланы ахәыҷқәа”, – ҳәа инаҵшьны иазгәеиҭеит Баҭал Кациа.

Афатә аҟаҵараҿы аиод злоу аџьыкхыш ахархәара аиод азымхара апроблема аӡбараҿы ицхыраагӡа дуны иҟалар алшоит.

Ашколхәыҷқәа рыфатә аиод злоу аџьыкхыш алагалара хымҧадатәиуп, иар убас ачаӡырҭақәа рҿы амажәа акәаҳараҿы иарбоу аџьыкхыш ахархәара аиуроуп.

Ас еиҧш алкаа аҳақьымцәа имҩаҧыргаз алаборатортә-ҧышәатә ҭҵаара ашьҭахь иҟарҵеит.

Алаборатортә-ҧышәатә ҭҵаара амедицинатә усзуҩцәа Рсоциациа ахаҭарнакцәа имҩаҧыргон. Иарбоу аҭҵаарақәа, иара убас иалахәын Еиду Амилаҭқәа Реиҿкаара иатәу ахәыҷтәы еиҿкаара “UNICEF”. ахаҭарнакцәагьы амедицинатә усзуҩцәа Рсоциациа ахаҭарнак, Аҟәатәи араионтә поликлиника аҳақьым хада Андреи Ҭыжәба.

“Аҧсныпресс” акорреспондент диҿцәажәо, имҩаҧгаз аҭҵаарақәа инарықәыршәаны, иҭҵааз ауаа рцәеижь иалоу аиод ихымҧадатәиу анорма аҵкьыс 30% еиҵаны инаӡон.

“Ари апроблема Аҧсны адагьы адунеи зегьы аҿы аҭыҧ амоуп”, – ҳәа азгәеиҭеит Андреи Ҭыжәба.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа