Ажәабжьқәа

Популярное

Аинвестициатә усеицура азы ахылаҧшырҭабжьаратәи аусуратә гәыҧ аилатәара Аҧсны аминистрцәа Реилазаараҿы имҩаҧысуеит

59
22.04.2019 09:49
Аинвестициатә усеицура азы ахылаҧшырҭабжьаратәи аусуратә гәыҧ аилатәара Аҧсны аминистрцәа Реилазаараҿы имҩаҧысуеит
Аиҧылара алахәылацәа урыстәылатәи аинвесторцәа рышәҟәҭагалара иадҳәалоу апроцедура армариара алыршара иалацәажәараны иҟоуп, иара убас Аҧсны иахьаҵанакуа абизнес маҷи, ибжьаратәиу абизнеси рзы акредиттәра апрограмма анагӡара абжьакӡаратә еихшьаалақәа ҟарҵеит.

Аҟәа. Мшаҧымза 22. Аҧсныпресс. Аминистрцәа Реилазаара апресс-маҵзура иҟанаҵо адыррақәа рыла, иахьа аминистрцәа Реилазаараҿы Аҧсни Урыстәылеи рыбжьара асоциал-економикатә хырхарҭала аинвестициатә усеицура азы Анапхгарабжьаратәи акомиссиа актәи аилатәара мҩаҧысраны иҟоуп.

Аусуратә еиҧылара анапхгарабжьаратәи акомиссиа аҧсуа-аурыс ганқәа рхантәаҩцәа – Аҧсны аекономика аминистр Адгәыр Арӡынбеи, Нхыҵ-Кавказ аусқәа рзы Урыстәылатәи Афедерациа аминистр ихаҭыҧуаҩ Игорь Кошини.   

Аиҧылара иара убас рхы аладырхәраны иҟоуп Урыстәылатәи Афедерациа аекономикатә ҿиара Аминистрра, Урыстәылатәи Афедерациа аиустициа Аминистрра, иара убас, Аҳазылхратә Маҵзуреи Урыстәылатәи Афедерациа Амилаҭтә банки рхаҭарнакцәа.

Аацҳамҭа излаанацҳауа ала, аусуратә еиҧылара алахәылацәа урыстәылатәи аинвесторцәа рышәҟәҭагалара иадҳәалоу апроцедура армариара алыршара иалацәажәараны иҟоуп, иара убас Аҧсны иахьаҵанакуа абизнес маҷи, ибжьаратәиу абизнеси рзы акредиттәра апрограмма анагӡара абжьакӡаратә еихшьаалақәа ҟарҵеит.

Иара убас, аиҧылара алахәылацәа аҧсуа-аурыс абанкқәа рыбжьаратәи усеицуреи, 2017-2019 шш. Аҧсны асоциал-економикатә ҿиара ацхыраара иазырхоу Аинвестициатә программа аҳәаақәа ирҭагӡаны ауснагӡатәқәак рынагӡара иадҳәалоу азҵаарақәа жәпакы ирылацәажәараны иҟоуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа