Ажәабжьқәа

Популярное

Аинвалидцәа рыбжьара ашьапылампыл маҷ азы атурнир “Аиааира Ахраҿа” хацыркхеит

391
24.10.2016 14:59
Аинвалидцәа рыбжьара ашьапылампыл маҷ азы атурнир “Аиааира Ахраҿа” хацыркхеит
Атурнир Аҧсны Аџьынџьтәылатәи еибашьра аҿы иҭахаз ргәалашәара иазкуп.

Аҟәа. Жьҭаарамза 24. Аҧсныпресс. Дамеи Касланӡиа. Аҧсны Аџьынџьтәылатәи еибашьра аҿы иҭахаз ргәалашәара иазкны аинвалидцәа рыбжьара ашьапылампыл маҷ азы IV жәларбжьаратәи атурнир “Аиааира Ахраҿа” хацыркхеит.

Аицлабрақәа рхы аладырхәит Аҧсны, Узбекистан, иара убас, Урыстәыла арегионқәа – Кемерово, Аладатәи Новгород, Грозныи уҳәа рҟынтәи акомандақәа.

Атурнир аартуа, Аҧсны абҩарҵәыреи аспорти рзы аҳәынҭқарратә еилакы ахантәаҩы ихаҭыҧуаҩ Рафаель Амԥар иазгәеиҭеит: “Ашьапылампыласыҩцәа ибзиоу азыҟаҵара рымоуп, имҩаҧгаз ахәмаррақәа даара аинтереси аимоциа ҕәҕәеи рыҵан, аха атурнир уажәоуп ианалага, ҳаҧхьаҟа аиҧыларақәа рацәаны иҟалоит”.

Рафаель Амҧар иҟаиҵаз адыррақәа рыла, аматчқәа “аикәшаратә система“ ала имҩаҧгахоит, аиааира згаз аиҧыларақәа раан еизгахаз абаллқәа рыла далкаахоит.

Атурнир жьҭаарамза 27 рҟынӡа имҩаҧыслоит.

Атурнир аиҿкааҩ Аҧсны абҩарҵәыреи аспорти рзы аҳәынҭқарратә Еилакы.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа