Ажәабжьқәа

Популярное

Ҳаибашьцəа ргəымшəареи, рфырхаҵареи, рыгəаҕьреи ртәы хашҭра рықәым: Рауль Ҳаџьымба аветеранцəеи Аҧсны жәлар зегьи ирыдиныҳəалеит 1941-1945 шш. рзы Аџьынџьтəылатə еибашьра ду аҟны Аиааира амш

119
09.05.2019 09:00
Ҳаибашьцəа ргəымшəареи, рфырхаҵареи, рыгəаҕьреи ртәы хашҭра рықәым: Рауль Ҳаџьымба аветеранцəеи Аҧсны жәлар зегьи ирыдиныҳəалеит 1941-1945 шш. рзы Аџьынџьтəылатə еибашьра ду аҟны Аиааира амш
“Асовет жəлар рхақəиҭратə еибашьра аҭоурыхтə хроникаҿы иаёпсоу аҭыҧ ааннакылоит Аёпсны Аҳəынҭқарра”, – ҳәа иазгәеиҭеит Аҳәынҭқарра Ахада.

Аҟәа. Лаҵарамза 9. Аҧсныпресс. Аҧсны Аҳəынҭқарра Ахада Рауль Ҳаџьымба аветеранцəеи Аҧсны жәлар зегьи ирыдиныҳəалеит 1941-1945 шш. рзы Аџьынџьтəылатə еибашьра ду аҟны Аиааира амш.

Адныҳәалараҿы, ахәҭакахьала иазгәаҭоуп:

Акыр иаҧсоу аветеранцəа! Ҳаҭыр зқәу ҳауаажәлар!

Гəык-ҧсык ала ишəыдысныҳəалоит Аџьынџьтəылатə еибашьра ду аҟны Аиааира 74 шықәса ахыҵра амш ныҳәа ду. Иахьа ҳара ҳаҭырқәҵаралеи гəадуралеи иаҳгəалаҳаршəоит хамеигӡарала адунеитə нацизм иаҿагыланы жәларызегьтәи ақәҧара иалахәыз зегьы.

Аиааира аагара ус имариамызт. Миллионҩыла ауаа ршьа азкаҭəан. Аибашьра афронтқəа рҿы  хацәынмырха аҕа бааҧҧ иҿагыланы иқəҧоз, иара убас атыл аҟны афырхаҵарыла аџьа збоз ирыбзоураны иахьа ари амш азгәаҳҭоит.

Асовет жəлар рхақəиҭратə еибашьра аҭоурыхтə хроникаҿы иаҧсоу аҭыҧ ааннакылоит Аҧсны Аҳəынҭқарра. 55 нызқьҩык инареиҳаны Аҧсны аҵеицәа Асовет Ари Арра-мшынтə флоти рахь ирыҧхьеит. 17,5 нызқьҩык Аҧсадгьыл ахьчаҩцəа аибашьраҿы иҭахеит.

Ҳара иаҳуалҧшьоуп – ҳаибашьцəа ргəымшəареи, рфырхаҵареи, рыгəаҕьреи ртәы хашҭра рықәымкәа ҿыц игыло абиҧарақəа рымадара.

Акыр иаҳзаҧсоу ҳветеранцəа! Ишәзеиҕьасшьоит агəабзиара, агәамч, ақəранҵыра ду, Аҧсны жəлар зегьы аҭынчреи аизҳазыҕьареи!

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа