Ажәабжьқәа

Аиааира ашәақәа Аҟәа ақалақь аҿы иарҳәахоит

113
24.05.2019 15:20
Аиааира ашәақәа Аҟәа ақалақь аҿы иарҳәахоит
Аџьынџьтәылатәи еибашьра Дуӡӡа аҿы Аиааира Амшныҳәа азгәаҭара иазкны Москаватәи авокалистцәа рконцерт “Аиааира ашәақәа” Аҟәа ақалақь аҿы имҩаҧысраны иҟоуп.

Аҟәа. Лаҵарамза 24. Аҧсныпресс. Лаҵарамза 26 рзы В.Арӡынба ихьӡ зху арратә ахьӡ-аҧша аҳәынҭқарратә музеи аҿы, Аџьынџьтәылатәи еибашьра Дуӡӡа аҿы Аиааира Амшныҳәа азгәаҭара иазкны Москаватәи авокалистцәа рконцерт “Аиааира ашәақәа” мҩаҧысраны иҟоуп.

Аконцерт рхы аладырхәуеит урыстәылазегьтәии жәларбжьаратәии аконкурсқәа рлауреатцәа: ашәаҳәаҩы, апоет, акомпозитор Виачеслав Ольховски (абаритон), Москонцерт асолистка Виктория Носовскаиа (асопрано), Викториа Пфистер (афортепиано апартиа).

Аконцерт акинофестивальқәеи жәларбжьаратәи апрограммақәеи рцентр ала еиҿкаауп. Убри аан Аҧсны акультуреи аҭоурых-культуратә ҭынха ахьчареи Рминистрреи, В. Арӡынба ихьӡ зху арратә ахьӡ-аҧша аҳәынҭқарратә музеи ари аусмҩаҧгатә аиҿкаара аҿы адгылара ҟарҵеит. 

Аконцерт алагоит асааҭ 18:00 рзы.

Аҩаналара хәыда-ҧсадоуп!

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа