Ажәабжьқәа

Популярное

Аиааира агареи Ахьыҧшымреи Рымшныҳәа азы Владислав Арӡынба Имемориал амҵан ашәҭ шьыҵәрақәа шьҭарҵеит

183
30.09.2018 11:05
Аиааира агареи Ахьыҧшымреи Рымшныҳәа азы Владислав Арӡынба Имемориал амҵан ашәҭ шьыҵәрақәа шьҭарҵеит
Аҧсны Аџьынџьтәылатәи еибашьра аҿы Аиааира агара 25-шықәса ахыҵреи Ахьыҧшымреи Рымшныҳәа азгәарҭоит.

Аҟәа. Цәыббрамза 30. Аҧсныпресс. Лана Ҵәыџьба. Аиааира агареи Ахьыҧшымреи Рымшныҳәа азы, Аҧсны Актәи Ахада Владислав Григори-иҧа Арӡынба ҳаҭырла дыргәаладыршәарц азы Имемориал ахь иааит Аҳәынҭқарра Ахада Рауль Ҳаџьымба, Аахыҵ Уаҧстәыла Ахада Анатоли Бибилов, Адыгеиа Ахада Мураҭ Кумпилов, Аҧсны Жәлар Реизара – Апарламент аиҳабы Валери Кәарҷиа, атәыла аҧыза-министр Валери Бганба, адепутатцәа, аиҩызаратә ҳәынҭқаррақәа рхаҭарнакцәа, атәыла Анаҧхгара, ауаажәларратә еиҿкаарақәа, аветеранцәа, ашколхәыҷқәа.



Аҧсны Аџьынџьтәылатәи еибашьра аветеран Витали Ҷыҭанаа, Аиааира Амш аҽны иара игәаҵаҿы аамҭак-ала агәырҕьареи, иваршьааз иҩызцәа рзы агәырҩеи ирыдҳәалоу ацәаныррақәа цәырҵуеит, ҳәа иазгәеиҭеит. “Аибашьра иара атәы ҟанаҵеит–атрагедиа аӡәырҩы рыҧсҭазаара агеит. Аҧсны ажәлар зегьы ари иҧшьоу аныҳәамш рыдысныҳәалар сҭахуп!” – ҳәа иҳәеит Витали Ҷыҭанаа.



Ҟарачы-Черкессиантәи дааны  Аҧсны хатәгәаҧхарала еибашьуаз Мурадин Шевгаров, Аҧсны аибашьра раҧхьаӡатәи амшқәа инадыркны дшыҟаз атәы еиҭеиҳәеит. “Аибашьра иацу агәалашәарақәа даара ихьанҭоуп, ҳара ирацәаҩны ҳҩызцәа ҳаваршьааит. Урҭ рыҧсы зхырҵаз ахақәиҭра аҧеиҧш бзиа аиуааит, ишәҭыкакаҷааит Аҧсны Аҳәынҭқарра!" – ҳәа иҳәеит Мурадин Шевгаров.



Ешыратәи абжьаратәи ашкол арҵаҩы Ирма Шәқьериа абас лҳәеит: “Иахьа ҳара аҭынчра ҳамоуп. Уи хыҧхьаӡара рацәала, зеиҕьаҟам ҳашьцәеи ҳаҳәшьцәеи рыҧсы ахҭнуп. Урҭ рыҧсы ҳмырҧхашьааит! Гәык-ҧсыкала Аҧсны ажәлар ирыдысныҳәалоит ари иҧшьоу аныҳәамш, ирзеиҕьасшьоит аҭынчреи, аҭышәынтәалареи, аизҳазыҕьареи!”

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа