Ажәабжьқәа

Афырхацәа рыхьӡқәа наунагӡа кашәара ақәым: Аҧсны аҳҭнықалақь аҿы “Ҧсра зқәым аполк” ҳәа хьӡыс измоу акциа мҩаҧысит

27
09.05.2019 14:32
Афырхацәа рыхьӡқәа наунагӡа кашәара ақәым: Аҧсны аҳҭнықалақь аҿы “Ҧсра зқәым аполк” ҳәа хьӡыс измоу акциа мҩаҧысит
Аџьынџьтәылатәи еибашьра Дуӡӡа аҿы Аиааира агара Амш 74 шықәса ахыҵра иазку агәалашәаратә усмҩаҧгатәқәа рҳәаақәа ирҭагӡаны Аҟәа ақалақь аҿы “Ҧсра зқәым аполк” ҳәа хьӡыс измоу акциа мҩаҧысит. Уи 300-ҩык инареиҳаны ауааҧсыра рхы аладырхәит.

Аҟәа. Лаҵарамза 9. Аҧсныпресс. Мадина Чагәааҧҳа. Аџьынџьтәылатәи еибашьра Дуӡӡа аҿы Аиааира агара Амш 74 шықәса ахыҵра Амшныҳәа аҽны аҧсны аҳҭнықалақь Аҟәа “Ҧсра зқәым аполк” ҳәа хьӡыс измоу акциа мҩаҧысит. Уи 300-ҩык инареиҳаны ауааҧсыра рхы аладырхәит.



Ашьыжь, асааҭ 11 инаркны Ахақәиҭра Ашҭаҿы аибашьра иалахәыз, иҭахаз рабацәа, рабдуцәа,  урҭ рабацәа рпатретқәа кны хыҧхьаӡара рацәала ауааҧсыра еизо иалагеит.

Акциа алахәылацәа Аҧсныпресс акорреспондент иҿцәажәо Аџьынџьтәылатәи еибашьра зхызгаз рыуацәеи рҭахцәеи ртәы еиҭарҳәеит. Убас, 10- шықәса зхыҵуа Викториа Аиба лабду иаб Бориса Аиба ипатреҭ кны акциа лхы алалырхәырц арахь дааит.  “Сара Аџьынџьтәылатәи еибашьра Дуӡӡа аҿы еибашьуаз сабду иаб ила сгәы дууп. Иахьа гәахәарыла ари акциа схы аласырхәуеит. Уи суалҧшьаны исыҧхьаӡоит”, – ҳәа илҳәеит лара.

Анаҩс “Ҧсра зқәым аполк” аколоннааҳҭнықалақь амҩадуқәа рыла аёапшаҳәа иаваланы аколоннада аҟынӡа инаӡеит. Анаҩс Идырым Асолдаҭ ибаҟа амҵан ашәҭ шьыҵәрақәа рышьҭаҵара ацеремониа мҩаҧысит.

Гарник Широиан, Аџьынџьтәылатәи Еибашьра Дуӡӡа аветеран Каптул Широиан Аҧсныпресс акорреспондент диҿцәажәо иазгәеиҭеит: “Гәадурала ҳара “Ҧсра зқәым аполк” аиасра ҳхы алаҳархәит. Аветеранцәа аџьамыҕәа цәгьа рыхганы иаҳзааргаз ахақәиҭра иабзоураны иахьа аҭынч ҧсҭазааразы алшара ҳамоуп. Уи ахә ашьара уадаҩуп!”

Жанетта Ионова лабду Мухани уи иашьа Мыгмет Наурзалиеви еибашьуан: “Ари акциа сара сзы акырӡа аанагоит. Ҳара ҳабдуцәа, урҭ рабдуцәа иаадырҧшыз афырхаҵара атәы ҳхашҭыр ҟалаӡом. Урҭ ирыбзоураны ҳара иахьа аҭынч нхареи аизҳазыҕьареи аҿиареи рзы аҭагылазаашьа ҳамоуп".

Амҩасра иалахәыз Светлана Шкут иазгәалҭеит: “Ҧсра зқәым аполк” – ари зеиҕьаҟам ала ишьақәгылаз традициаоуп. Сара сабду, Иван Буреико ахыҧсаҟьага даҽатәан, уи Сталинград ахьчаҩцәа дреиуоуп, аибашьра зегьы ихганы Берлин ақалақь аҟынӡа днаӡеит. Уи иполк аиааира абираҟ Реихстаг иахадыргылеит. Ари ҳаҭыр дууп ҳара ҳҭаацәа рзы”.

Владимир Џьынџьолиа амҩасра аан инапы аҿы икын иабду ифотосахьа: “Лаҵарамз 9 – ари зегьы рзы илашоу, иҧшьоу ныҳәоуп. Сара сабду Владимир Џьынџьалиа ари аибашьра далахәын. Уи Украина деибашьуан, егьырҭ иҩызцәа реиҧш иҧсадгьыл ихьчон”.

Анатоли Леиба Аџьынџьтәылатәи еибашьра Дуӡӡа иалахәыз изааигәоу ауаа рҭоурых еиҭеиҳәеит: “Аџьынџьтәылатәи еибашьра Дуӡӡа иалахәын сара сан лганахьала сабду, иара убас сабхәеи уи иабдуи. “Ҧсра зқәым аполк” ҳәа еиҿкаау акциа Аџьынџьтәылатәи еибашьра Дуӡӡа афырхацәа иҧшьоу ргәалашәара ду аиқәырхареи еиҵагыло аҿар рызнагареи иазырхоуп. Дара ирыбзоураны ҳара аҭынч ҧсҭазаара ҳзаҧҵоуп”.

Акциа “Ҧсра зқәым апол” рхы аладырхәит 300-ҩык инарзынаҧшуа ауааҧсыра. Ауаа Аџьынџьтәылатәи еибашьра Дуӡӡа аҿы аҭынчреи ахақәиҭреи ахьыҧшымреи зыхьчаз ирызгәакьоу ауаа рфотосахьақәа кны ақалақь амҩадуқәа ирнысит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа