Ажәабжьқәа

Популярное

Афотосанитартә усмҩаҧгатәқәа рзы алицензиа аиура хымҧадатәихоит

542
02.11.2016 12:56
Афотосанитартә усмҩаҧгатәқәа рзы алицензиа аиура хымҧадатәихоит
Аҧсны Жәлар Реизара-Апарламент аилатәара аҿы “Хазы игоу аусура ахкқәа алицензиа аҭара азы” “Аҧсны Аҳәынҭқарра Азакәан апроект №732-V аиҭакрақәа ралагалара азы” азакәан апроект рыдыркылеит.

Аҟәа. Абҵарамза 2. Аҧсныпресс. Елена Полуиан. Азакәан апроект адгалара мҩаҧго, Аҧсны Ахада Жәлар Реизара-Апарламент аҿы ихаҭарнак Дмитри Шамба, иарбоу аусшәҟәы аҧҟара “афитосанитартә хархәагақәа рҭыжьра” ишазку азгәеиҭеит.

“Уажәаҧхьа Азакәан афитосанитартә хархәагақәа римпорти рекспорти алицензиа аҭара азҧхьагәанаҭон. Урҭ рҭыжьра иадҳәалоу аусура аҳәаақәҵара Азакәан ианыҧшуамызт”, - ҳәа иҳәеит Дмитри Шамба.

Убри аан, адепутат Саид Ҳаразиа иазгәеиҭеит: “Ҵабыргны, Аҧсны иахьаҵанакуа афитосанитартә хархәагақәа ҭрыжьӡом. Аха ус ишыҟоугьы, ас еиҧш ахархәагақәа хаҭалатәи аҭыжьра еиҿкааны измоу ауаагьы ыҟоуп. Иаагозар, ацитрусқәа рыхәышәтәра егьырҭ ахырхарҭақәеи рзы уажәшьҭарнахыс урҭ алицензиа аиура рыхәҭоуп. Аҳәынҭқарра ас еиҧш иҟоу аусуратә хкы аҳәаақәҵаразы алшара амазароуп”.

Азакәан апроект аҵыхәтәантәи аҧхьараҿы ирыдыркылеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа