Ажәабжьқәа

Популярное

Афонд “Ашана” аҟынтәи ахылаҧшреи ацхыраареи зауа ахәыҷқәа рнапы иҵыҵыз, 20 инареиҳаны аҭыхымҭақәа аҭииразы ицәыргақәҵоуп

1270
30.04.2018 15:42
Афонд “Ашана” аҟынтәи ахылаҧшреи ацхыраареи зауа ахәыҷқәа рнапы иҵыҵыз, 20 инареиҳаны аҭыхымҭақәа аҭииразы ицәыргақәҵоуп
Афонд “Ашана” аҟынтәи ацхыраара зауа ахәыҷқәа иҭырхыз аусумҭақәа рхәаахәҭра-цәыргақәҵа Аҟәа ақалақь аҿы имҩаҧысуеит.

Аҟәа. Мшаҧымза 30. Аҧсныпресс. Мадина Чагәааҧҳа. Багарат Уасил-иҧа Шьынқәба ихьӡ зху апарк аҿы Акультуратә гәыҳалалратә Фонд “Ашана” аҟынтәи ахылаҧшреи ацхыраареи зауа ахәыҷқәа иҭырхыз аусумҭақәа рхаахәҭра-цәыргақәҵа мҩаҧысуеит. Иарбоу аусмҩаҧгатә иаҭныҵуа аҧара Дырмит Булисқьериа ихәшәтәра ахь идәықәҵахоит. Абри азы адырра Аҧсныпресс ахь иаалыцҳаит Акультура-гәыҳалалратә Фонд “Ашана” анаҧхгаҩы Мактина Џьынџьалҧҳа.

Мактина Џьынџьалҧҳа иҟалҵаз адыррақәа рыла, асахьаҭыхымҭақәа рхәаахәҭра-цәыргақәҵа ацәыргақәҵатә центр “Аҧеиҧш” ала еиҿкаахеит, уи жәларбжьаратәи агәыҳалалратә Фестиваль “Аҧсабара амаалықьцәа” аҳәаақәа ирҭагӡаны имҩаҧысуеит. "Араҟа Аҟәатәи ареабилитациатә центри ҳара ҳфонди рҟынтәи ахылаҧшра зауа 20-ҩык инарзынаҧшуа ахәыҷқәа русумҭақәа цәыргақәҵоуп. Акциа асааҭ 17:00 рҟынӡа имҩаҧыслоит. Уажәазы иҭииуп 5 сахьаҭыхымҭак. Асахьақәа рзы ишьақәырҕәҕәоу ахәҧса ыҟаӡам. Агәазыҳәара змоу дарбанызаалак, игәаҧхаз асахьа аалхны, илшо ахәҧса ишәар алшоит”, – ҳәа илҳәеит лара.

Акультуратә гәыҳалалратә Фонд “Ашана” аҧҵаҩы Беслан Шьакаиа, иарбоу ахәаахәҭра-цәыргақәҵа уажәадагьы имҩаҧысхьеит ҳәа адырра ҟаиҵеит. “Ас еиҧш аусмҩаҧгатәқәа раан ауаа ргәыҳалалра аарҧшаразы ишьаху алшара роуеит. Ахәыҷқәа ракәзар, урҭ рааигәа-сигәа згәабзиара уашәшәыроу, зылшарақәа ҧку, ацхыраара зҭаху ауаа шыҟоу еилыркаауа иалагоит. Иара убри ала, ианыхәыҷу нахыс урҭ арыцҳаибашьареи агәыҳалалреи реиҧш иҟоу зеиҕьаҟам аҟазшьа рылааӡахоит”, – ҳәа инаҵшьны иазгәеиҭеит Беслан Шьакаиа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа