Ажәабжьқәа

Популярное

Афон Ҿыц аҿы азеиҧш диспансеризациа мҩаҧысуеит: аҳақьымцәа ауаажәларра активла аусмҩаҧгатә рхы аладырхәырц ааҧхьара ҟарҵоит

129
03.11.2017 11:24
Афон Ҿыц аҿы азеиҧш диспансеризациа мҩаҧысуеит: аҳақьымцәа ауаажәларра активла аусмҩаҧгатә рхы аладырхәырц ааҧхьара ҟарҵоит
Афон Ҿыц аҿы адиспансеризациа амҩаҧгара абҵарамза 2 инаркны 17 рҟынӡа иазҧхьагәаҭоуп.

Аҟәа. Абҵарамза 3. Аҧсныпресс. Афон Ҿыц иқәынхо ауааҧсыра зегьы адиспансеризациа рахыгара хацыркуп. Абри атәы аанацҳауеит Аҧсны агәабзиарахьчара Аминистрра апресс-маҵзура. 

Аацҳамҭа излаанацҳауа ала, адиспансеризациа амҩаҧгара азы ақалақь ахь иааит амобилтә диагностикатә комплексқәа ҩбеи хыҧхьаӡара рацәала еиуеиҧшым ахырхарҭақәа рыла аус зуа аҳақьымцәеи. Афон Ҿыц аҿы адиспансеризациа амҩаҧгара абҵарамза 2 инаркны 17 рҟынӡа иазҧхьагәаҭоуп.  

Афон Ҿыц ақалақьтә хәышәтәырҭа аҳақьым хада Луиза Арӡынба иҟалҵаз адыррақәа рыла, аҵыхәтәаны адиспансеризациа мҩаҧган 7 шықәса раҧхьа. Уи мҩаҧыргон урыстәылатәи Афедералтә аҭҵаара-клиникатә центр аспециалистцәа, аха инагӡоу агәабзиара аҭагылазаашьа аҭҵаара азы, афлиуорографиа аҟаҵарагьы уахь иналаҵаны, ақалақь ауааҧсыра абар шьҭа 25 шықәса ирылагӡаны аҭагылазаашьа рымам. Уи азы Аҟәаҟа ицар акәхоит. 

Ақыҭақәа Анхәеи Ҧсырӡхеи инхо ауааҧсыреи Афон Ҿыц аҿы инхо ауааи ргәабзиара аҭагылазаашьа агәаҭара азҧхьагәаҭаны иҟоуп. Урҭ рхыҧхьаӡара ааизакны 4 нызықь-ҩык рҟынӡа инаӡоит. Иааизакны адиспансеризациа қәҿиарала имҩаҧысит уҳәаратәы иҟаларц азы ауаҧсыра рзеиҧш хыҧхьаӡара аҟынтәи 60% иарбоу аусмҩаҧгатә рхы аладырхәыртә иҟаҵатәуп. 

Аҳақьымцәа адиспансеризациа иаҵоу аҵакы хада еицҿакны иазгәарҭоит. Иара убас урҭ уи иацу апроблемагьы алыркаауеит – уи апациентцәа радыҧхьалара ауп. Абҵарамза 2 шыжьы инаркны ахәылбыҽханӡа Афон Ҿыц аҿы 20-ҩык роуп адиспансеризациа иахысыз. “Ашколқәеи ахәыҷбаҳчақәеи рҿы адиспансеризациа амҩаҧгара  иарбоу апроцесс аҿы зегьы реиҳа иманшәаланы имҩаҧысуа усмҩаҧгатәуп ҳәа уҳәар алшоит. Рыцҳарас иҟалаз, зықәра наӡоу ауааҧсыра ракәзар, ирыхьша анрыхьлак ашьҭахь ауп аҳақьымцәа ианрыдҵаало”, – ҳәа еиҭалҳәеит Луиза Арӡынба. 

Убри аан, Афон Ҿыц инхо ауааҧсыра реиҳараҩык еиҳа лассы-лассы ирыхьуа ачымазарақәа иреиуоуп – аллергиатә чымазарақәа, абронхиалтә астма, арыҧҳақәеи  аҧсыҧлагаҩагаратә цәеижьхәҭақәеи рчымазара, аонкологиа. 

Луиза Арӡынба ақалақь ауааҧсра рахь лхы рханы активла адиспансеризациа иахысырц азы ааҧхьара ҟалҵеит. “Ачымазара лаҽи раҧхьатәи астадиа аҿы иҟоу аонкологиеи раарҧшра, анаҩстәи ауаҩы иҧсҭазаара аиқәырхара иазку ауснагӡатәқәа рымҩаҧгара азы  акырӡа аанагоит”, – ҳәа инаҵшьны иазгәалҭеит аҳақьым хада.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа