Ажәабжьқәа

Афон-Ҿыц ақалақь аҿы Аҿар рхан ргылахоит: Аҳәынҭқарра Ахада ареспубликатә биуџьет ахарџь ала зыргылара иаҿу Аҿар рхан аҟны аусурақәа рымҩаҧысшьа ибеит

131
19.06.2019 18:18
Афон-Ҿыц ақалақь аҿы Аҿар рхан ргылахоит: Аҳәынҭқарра Ахада ареспубликатә биуџьет ахарџь ала зыргылара иаҿу Аҿар рхан аҟны аусурақәа рымҩаҧысшьа ибеит
Аҳәынҭқарра Ахада Афон Ҿыц ақалақь ахь аусуратә ҭаара мҩаҧигеит.

Аҟәа. Рашәарамза 20. Аҧсныпресс. Дамеи Касланӡиа. Аҳәынҭқарра Ахада Афон Ҿыц ақалақь аҿы ареспубликатә биуџьет ахарџь ала зыргылара иаҿу Аҿар рхан аҟны аусурақәа рымҩаҧысшьа ибеит. Ихыбгалаз ахыбра еиҭашьақәыргылан, аусурақәа раан иацҵан ашәҟәыҧхьарҭа ауада. Ҳазҭагылоу аамҭазы аусурақәа рыбжеиҳарак нагӡоуп, акоммуникациақәа зегьы алдоуп.

“Ахыбра аҭагылазаашьа уадаҩын. Ҳарҭ иҳаӡбеит уи ҳхатә харџьқәа рыла аиҭашьақәыргылара. Ақалақь аҟны гәацҧыҳәарала акультуратә ҧсҭазаара зҽалазырхәырц зҭаху аҿар рацәоуп, ауаа рацәоуп. Ҳарҭ урҭ рҭахрақәа наҳагӡар ҳҭахуп”, – ҳәа иҳәеит Аҳәынҭқарра Ахада.



Афон Ҿыц Ахада иазгәеиҭеит ас еиҧш иҟоу аобиект ақалақьуаа рзы аҵак ду шамоу: “Ҳарҭ, Афон Ҿыц инхо ауааҧсыра, Аҧсны Аҳәынҭқарра Ахада иахь ааҧхьара ҟаҳҵеит ахыбра аиҭашьақәыргылараҟны ацхыраара ҳаиҭарц. Уи ахаҵгылара аиуит, аргыларазы ахарџь азоужьын. Аҩбатәи аихагылаҟны иҟалоит ашәҟәыҧхьарҭеи ашахматтә клуби. Ҳарҭ асасцәа рацәаҩны иаҳҭаауеит, акультуратә хан ҳамаӡам. Аконцертқәа ахьымҩаҧаҳгоз ҳамамызт. Хара имгакәа, даара иҧшӡоу акультуратә хәышҭаара ҳауеит”.

Иара убас Ахада ибеит Афонҿыцтәи аҳаҧы авестибиуль ҿыц. Аргыларатә усурақәа мҩаҧган Иаку ареспубликатә наплакы “Афонҿыцтәи аҳаҧы акомплекс” ахарџь ала.

Иаку ареспубликатә наплакы “Афонҿыцтәи аҳаҧы акомплекс” адиректор Мирон Чалмаз иҳәеит авестибиуль ҿыц аргылара заҭаххаз: “Аҧхын Афонҿыцтәи аҳаҧы хыҧхьаӡара рацәала асасцәа аҭаауеит, зегьы ахолл аҟны раанкылара уадаҩын. Рауль Џьумка-иҧа идҵала ишьақәыргылаз аелектронтә терминал ахархәара уа ауадаҩрақәа ацын. Иахьа ҳара иҳалшоит ишақәнагоу еиҧш, азакәанԥҵара инақәыршәаны атуристцәа абилеҭқәа рыҭара, аҳаҧы аҭааразы, иара убас аҳаҧы ахаҭа аиҷаҳаразы еиӷьу аҭагылазаашьақәа раҧҵара”.



Акурортқәеи атуризми рминистр Авҭандил Гарцкьиа иара убас иазгәеиҭеит аҳаҧы иаҭаауа атуристцәеи атәылауааи рзы авестибиуль аргылара иамоу аҵак ду.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа