Ажәабжьқәа

Популярное

Афон Ҿыц ақалақь аҿы Аҿар Рхан аартра иадҳәалоу ацеремониа мҩаҧысит

883
15.08.2019 16:10
Афон Ҿыц ақалақь аҿы Аҿар Рхан аартра иадҳәалоу ацеремониа мҩаҧысит
К. Аргәын ихьӡ зху Ахан аартра аҳәаақәа ирҭагӡаны ахәычтәы акәашаратә ансамблькәа злаху аныҳәатә концерт мҩаҧысит.

Аҟәа. Нанҳәамза 15. Аҧсныпресс. Ҭамара Ачба/Дамеи Касланӡиа. Афон Ҿыц ақалақь аҿы К. Аргәын ихьӡ зху Аҿар Рхан аартра иадҳәалоу ацеремониа мҩаҧысит. Аусмҩаҧгатә рхы аладырхәит Аҳәынҭқарра Ахада Рауль Ҳаџьымба, Жәлар Реизара – Апарламент аиҳабы Валери Кәарҷиа.

Аиҭашьақәыргылара-ргыларатә усурақәа Ареспубликатә биуџьет ахарџь ала имҩаҧган.

Афон Ҿыц ақалақь ахада Феликс Дауҭиа ари ахҭыс иаҵоу аҵакы хада инаҵшьны иазгәеиҭеит: "Ҳара ари амш ҳазыҧшиижьҭеи акрааҵуеит. 15 шықәса инареиҳаны ҳақалақь аҿы аконцертқәеи, еиуеиҧшым амассатә усмҩаҧгатәқәеи рымҩаҧгареи асасцәа рыдкылареи ахьалшо ахыбра ыҟамызт. Аамҭа кьаҿ иалагӡаны ас еиҧш аобиект аргылара мариаӡам. Иҭабуп ҳәа расҳәарц сҭахуп Аҳәынҭқарра Ахада, атәыла аҧыза-министр, афинансқәа рминистр, уҳәа ари ахыбра аргылара иацхрааз зегьы. Ари аус аҿы ҳара зегьы ҳаӡәыкны ҳаҟоуп. Ҳара ҳхәыҷқәа рҧеиҧш азы агәҭынчымра ааҳарҧшуеит. Еиҵагыло аҿар рзы даараӡа хра злоу акакәны иҟалоит иахьарнахыс зусура хацыркхо ари аусбарҭа шьахә. Шьҭарнахыс, агәра ганы сыҟоуп араҟа ишаҧҵахало арҿиаратә гәыҧқәа, иара убас ааинтерес зҵоу егьырҭ аусмҩаҧгатәқәа шымҩаҧгахало”.

Афон Ҿыц ақалақь Ахадара аҿари аспорти рызҵаарақәа рзы аҟәша ахантәаҩы Михаил Ҵкәуа адырра ҟаиҵеит: “Аҿар Рхан акультуреи адоуҳатә ҿиареи рзы акырӡа зылшахьоу арҿиаратә усзуҩ, аҟаза Аргәын Константин Шьаҳан-иҧа  ихьӡ ахҵоуп. Ҳара кыраамҭа ҳазыҧшын Аҿар Рхан аартра амш. Ҳара иҳамоуп имаҷымкәа ахәыҷтәы рҿиаратә коллективқәа, араҟа урҭ рҟыбаҩ аихаҳареи аҧышәа аиуреи рзы алшара шьахә рзаҧҵахоит”.

Ахыбраҿы аконцертә зал адагьы абиблиотека, ашахматтә клуб, иара убас ацхыраагӡатә уадақәеи ҟалоит. Ахыбра ҳаамҭазтәи аиқәыршәагақәа рыла ирхиоуп. Уи иабзоураны зыҩаӡара ҳараку акультуратә усмҩаҧгатәқәа реиҿкаареи рымҩаҧгареи алыршахоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа