Ажәабжьқәа

Популярное

Адунеизегьтәи аҧсуа-базатә Конгресс Ҭырқәтәыла инхо аҧсуа диаспора аимадара аҿиара иазырхоу аусура мҩаҧнагоит

77
07.05.2018 15:42
Адунеизегьтәи аҧсуа-базатә Конгресс Ҭырқәтәыла инхо аҧсуа диаспора аимадара аҿиара иазырхоу аусура мҩаҧнагоит
Адунеизегьтәи аҧсуа-базатә Конгресс аделегациа Ҭырқәтәылаҟа хымш ирылагӡоу аусуратә ҭаара мҩаҧнагоит.

Аҟәа. Лаҵарамза 7. Аҧсныпресс. Адунеизегьтәи аҧсуа-базатә Конгресс аделегациа Ҭырқәтәылаҟа хымш ирылагӡоу аусуратә ҭаара мҩаҧнагоит. Уи наҧхгара аиҭоит апрезидиум ахантәаҩы Мусса Екзеков.  Аҭаара ахықәкы хада– Ҭырқәтәыла иқәынхо аҧсуа диаспора аимадара арҕәҕәара ауп.

Аҭаара аҳәаақәа ирҭагӡаны, Афедерациа ахада Атанур Аксои адиаспора егьырҭ ахаҭарнакцәеи реиҧылара мҩаҧысит. Аиҧыларақәа иара убас рхы аладырхәит арҭ амшқәа рзы иара убас Сҭампыл ақалақь аҿы иҟоу Аҧсадгьыл ахь архынҳәразы аминистр Беслан Дбар, иара убас Ҭырқәтәыла иҟоу аҷыдалкаатә зинмчы змоу Аҧсны ахаҭарнак Вадим Ҳаразиа. Адунеизегьтәи аҧсуа-базатә Конгресс ахада Мусса Екзекови анагӡаратә маӡаныҟәгаҩ Инар Гыцбеи Адаҧазары ақалақь аҿы еиҿкааз, знапы ҟазоу аҧсуа ҭыҧҳацәа рнапкымҭақәа рцәыргақәҵа иаҭааит. Иара убас, аделегациа, Сакари аҳабла иаҵанакуа ақыҭа Балбалы (Калдахәара) еиҿкааз аныҳәа ду ахы аланархәит.

Хәнызықь-ҩык инареиҳаны еидызкылаз ари аусмҩаҧгатә ду, аҧсуа чарақәа рҿы ахысра азы азин аҟамлара азы абыргцәа аӡбара рыдыркылеижьҭеи 14-шықәса аҵра иазкын. Есышықәса ари аныҳәа, аҿар аиҳабацәа ирыдыркылаз аӡбамҭа ишадгыло азы еиҿкаахоит. Мусса Екзеков еизаз аҧсшәа раҳәо, Адунеизегьтәи аҧсуа-базатә Конгресси Ҭырқәтәыла инхо аҧсуа диаспореи реимадара аринахысгьы арҕәҕәара азы иҟаҵахо шырацәахо азы агәра диргеит.
 
“Ҳара адунеи иҧсаҟьаны иалаҧсоу аҧсуаа зегьы иҧшьоу ҳусура адыҧхьаларазы агәазыҳәара ду ҳамоуп. Уи азы ҷыдала еиқәыршәаны иҳамоуп еиуеиҧшым апрограммақәа маҷымкәа, урҭ уажәанатә аус руеит, алҵшәақәагьы аанарҧшуеит. Аринахысгьы ари аусура еиҳагьы аҽарҕәҕәап ҳәа агәыҕра ҳамоуп”, – ҳәа иҳәеит Мусса Екзеков.

Лаҵарамза 7 рзы, аҭаара аҳәаақәа ирҭагӡаны, аделегациа Сҭампыл ақалақь аҿы иҟоу Аҧсуа культуратә центр иаҭаараны иҟоуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа