Ажәабжьқәа

Адунеизегьтәи аҧсуа-база жәлар Рконгресс Аҧсны ауааҧсыреи, уи иаҭаауа асасцәеи рзы Аҳәынҭқарратә бираҟ Амшныҳәа инамаданы аныҳәатә усмҩаҧгатәқәа еиҿнакаауеит

145
19.07.2019 11:25
Адунеизегьтәи аҧсуа-база жәлар Рконгресс  Аҧсны ауааҧсыреи, уи иаҭаауа асасцәеи рзы Аҳәынҭқарратә бираҟ Амшныҳәа инамаданы аныҳәатә усмҩаҧгатәқәа еиҿнакаауеит
Ҧхынгәымза 23 рзы Аҳәынҭқарратә бираҟ Амшныҳәа азгәарҭоит.

Аҟәа. Ҧхынгәымза 19. Аҧсныпресс. Ҳаамҭазтәи аҳәынҭқарратә бираҟ ҧхынгәымза 23, 1992 шықәсазы Аҟәа ақалақь аҿы Ареспублика Иреиҳаӡоу Асовет ала ишьақәырҕәҕәан. Абираҟ аескиз автор – асахьаҭыхыҩ Валери Гамгиа.

Аҧсны ауааҧсыреи, уи иаҭаауа асасцәеи рзы Аҳәынҭқарратә бираҟ Амшныҳәа инамаданы, Адунеизегьтәи аҧсуа-база жәлар Рконгресс Аҧсны ауааҧсыреи, уи иаҭаауа асасцәеи рзы ҧхынгәымза 23 рзы, Амҳаџьыраа рыҧшаҳәа аҿы, (С. Багаҧшь ихьӡ зху аплошьад аҿы игылоу Адраматә театр аҿаҧхьа), асааҭ 19:00 рзы аныҳәатә усмҩаҧгатәқәа еиҿнакаауеит.

Аныҳәа иаҭаауа асасцәа ҳаамҭазтәи Аҳәынҭқарратә бираҟ аҧҵара аҭоурыхи, уи автори рзы адыррақәа роур алшоит, идырбахоит еиуеиҧшым аамҭақәа рзы иҟаз аҭоурыхтә бираҟқәа (абираҟқәа зегьы рааигәара ишьақәыргылахоит аҭоурыхтә дырранҵа).

Агәазыҳәара змоу зегьы С.Багаҧшь ихьӡ зху амҩаду аҿы аҧшҕәынҵәмцатә ныҟәареи, ҽыла аиасреи рхы аладырхәырц рылшоит. Аныҳәа иалагӡаны аусмҩаҧгатә асасцәа рзы иқәгылараны иҟоуп О. Г. Хунцариа ихьӡ зху Аҳәынҭқарратә жәлар ринструменталтә окестр.

Аклуб SportApsny аволонтиорцәа абираҟ ду кны амшын аҧшаҳәа иқәсны С. Багаҧшь имҩаду аҟынӡа инаӡоит.

Изҭаху зегьы азеиҧш еикәыршаратә кәашара “Аибаркыра” рхы аладырхәырц рылшоит.

Ахәылҧаз зегьы иалагӡаны еизаз ргәалаҟазаара аизырҳаразы ажәлар рашәақәа арҳәахоит. Аныҳәа асасцәа рзы ҷыдала афотозона шьақәыргылахоит.

Аусмҩаҧгатә адгылара арҭоит: Аҟәа ақалақь аҿари аспорти рызҵаарақәа рзы Аилак, ахәаахәҭратә ҩны “Абан”, Аҳәынҭқарратә Наплакы “Мода-текс”, аклуб SportApsny, амобилтә еимадара Аилазаара “Аҟәафон-GSM”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа