Ажәабжьқәа

Популярное

Адиспансеризациа иацҵахоит : лаҵарамза 14 инаркны 20 рҟынӡа Аҟәа араион ауааҧсыра ргәабзиара аҭагылазаашьа агәаҭара мҩаҧгахоит

65
10.05.2019 11:40
Адиспансеризациа иацҵахоит : лаҵарамза 14 инаркны 20 рҟынӡа Аҟәа араион ауааҧсыра ргәабзиара аҭагылазаашьа агәаҭара мҩаҧгахоит
Аҧсны ауааҧсыра рзеиҧш диспансеризациа мшаҧымза  5 Гал араион аҿы  ихацыркын. Уи хыркәшахоит Гагра араион рашәарамза 9 рзы.

Аҟәа. Лаҵарамза 10. Аҧсныпресс. Аҧсны агәабзиарахьчара Аминистрреи, Урыстәыла Афедералтә амедицинатә биологиатә Маҵзуреи рымчала еиҿкаахаз азеиҧш диспансеризациа иацҵахоит.  Лаҵарамза 14 инаркны ауааҧсыра ргәабзиара аҭагылазаашьа агәаҭара иацҵахоит Аҟәа ақалақь Ареспубликатә хәышәтәырҭа Хада аҿы. Абри атәы аанацҳауеит Аҧсны агәабиарахьчара Аминистрра апресс-маҵзура. 

Ишьақәырҕәҕәоу аграфик ала, лаҵарамза 14 инаркны 20 рҟынӡа Аҟәа араион ауааҧсыра ргәабзиара аҭагылазаашьа агәаҭара мҩаҧгахоит, лаҵарамза 21 инаркны 27 рҟынӡа – аҳҭнықалақь ауааҧсыра.  Анаҩс адиспансериазациа мҩаҧгахоит Гәдоуҭа араион аҿы. 

Аусура рхы аладырхәуеит Урыстәыла Афедералтә медцинатә биологиатә Маҵзура аҟынтәи 50-ҩык инарзынаҧшуа аспециалистцәа. Урҭ рахьынтә: 
– 17-ҩык аҳақьымцәа зықәра наӡоу апациентцәа аус рыдуларазы (анестезиолог-реаниматолог, акушер-гинеколог, ахирург, ауролог, акардиолог, аневролог, аофтальмолог, оториноларинголог, аендокринолог, атерапевт, арентгенолог, УЗИ-диагностика аҳақьым, уҳәа); 
– 5-ҩык зықәра наӡам рзы аҳақьымцәа (акардиолог, аневролог, апедиатр); 
– 8-ҩык ибжьаратәу амедицинатә персонал иаҵанакуа; 
Амедицианатә отриад аилазаараҿы иҟоуп – 12 цыра амедицинатә техника, иҷыдоу амедицинатә комплексгьы уахь иналаҵаны: зылсралшара ҳараку автомашьынақәа рҿы ишьақәыргылоу ареанимациа, аҧҟарҭақәа, еиҭаҵуа алабораториа, амаммографиатәии арентгенологиатәии акомплексқәа. 

Аҧсны ауааҧсыра рзеиҧш диспансеризациа мшаҧымза 5 Гал араион аҿы  ихацыркын. Уи хыркәшахоит Гагра араион рашәарамза 9 рзы.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа