Ажәабжьқәа

Популярное

Абҵарамза 7 рзы Аҟәа ақалақь аҿы асовет ҧырҩцәа рбаҟа аадыртраны иҟоуп

487
01.11.2019 11:16
Абҵарамза 7 рзы Аҟәа ақалақь аҿы асовет ҧырҩцәа рбаҟа аадыртраны иҟоуп
Асовет ҧырҩцәа рбаҟа аиҭашьақәыргыларатә усурақәа рхырқәшара ашьҭахь иаадыртуеит.

Аҟәа. Абҵарамза 1. Аҧсныпресс. Дамеи Касланӡиа. В. Г. Арӡынба ихьӡ зху арратә Ахьӡ-Аҧша амузеи Аҧсны иҟоу Амшынеиқәатә аказакцәа рырхәҭеи, 1941-1945 шш. Аџьынџьтәылатәи еибашьра Дуӡӡа аҿы иҭахаз асовет ҧырҩцәа рбаҟа аиҭашьақәыргылара мҩаҧыргеит. Абаҟа аартра азҧхьагәаҭоуп абҵарамза 7 рзы. Абри азы адыррақәа Аҧсныпресс ахь иааицҳаит Владислав Арӡынба ихьӡ зху Арратә Ахьӡ-Аҧша амузеи адиректор ихаҭыҧуаҩ Николаи Медвенски.

Николаи Медвенски иҟаиҵаз адыррақәа рыла: “Ари ҩыџьа-асовет ҧырыҩцәа, Аҧсны ажәҩан аҿы иҭахаз Ар Ҟаҧш аҳаирмчқәа 863-тәи ақәхратә аҳаиртә полк аруаа рыҧсыжырҭақәа роуп. Кавказ ампыҵахалара азы анемец фашисттә аҳаирмчқәа Аҟәа арҭҟәацгақәа аланаџьуа ианалага, асовет авиациа уи ахьчара азы ажәҩан ахь ихалеит. Аха, ишдыру еиҧш, аибашьра еибашьроуп, аҕацәа ҳҳаирпланқәагьы ларышьҭуан, ҳаибашьцәагьы ҭадырхон. Аҧырцәа рнышәынҭрақәа Надежда Курченко лыхьз зху аҟәатәи апарк аҿы иҟоуп. Иазгәаҭатәуп даҽакгьы, араҟа аҧырцәа рааигәара анышә дамадан  астиуардесса Надежда Курченко. Уи лзанааҭтә уалҧшьа анагӡараан, аҳаирплан агара зҽазызшәаз атеррористцәа рҟынтәи апассаџьырцәа шылыхьчоз дҭахеит. Убри аҟнытә уи лыҧсыбаҩ ари адгьыл амадарагьы машәыршақә иҟамлаӡеит”.

Николаи Медвенски иара убас иазгәеиҭеит: “Асовет аамҭа аныҟаз абаҟа иахылаҧшуан абжьаратәи ашкол №3 аҵаҩцәеи, аспорттә школ ааӡамҭацәеи. Аха Аҧсны Аџьынџьтәылатәи еибашьра ашьҭахьи, уи иашьҭанеиуаз аамҭеи рзы абаҟа аиҭашьақәыргылара амбацызт. Ари анышәынҭра аҭеиҭыҧш арҽеира азы аӡбамҭа рыдыркылеит. Убас, В. Г. Арӡынба ихьӡ зху арратә Ахьӡ-Аҧша амузеи, Аҧсны иҟоу Амшынеиқәатә аказакцәа рырхәҭеи аҵакыра агәамсами ажәырҭреи рҟынтәи адрыцқьеит, аанда акәдыршеит, аҭаӡҩыра хәыҷы шьақәдыргылеит, иқәыз ахаҳәцәы дырҕәҕәеит, адгьыл абҕанҷ ықәрыҧсеит. Аиашазы, ҳара иазҧхьагәаҭаны иҳамаз аҽҳәара аҽҭагӡара ҳалымшаӡеит, мчыбжьқәак рыла иахаҳгеит уи, аха зегьы реиҳа ихадоу – ахаҭабзиара иагымкәа аҟаҵара ауп”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа