Ажәабжьқәа

Популярное

ААУ Шьалуа Инал-иҧа диижьҭеи 100-шықәса аҵра иазкны аконференциа мҩаҧысит

610
20.10.2016 15:23
ААУ Шьалуа Инал-иҧа диижьҭеи 100-шықәса аҵра иазкны аконференциа мҩаҧысит
Аҭоурыхҭҵааҩы, аетнограф, аполитикатә усзуҩ Шьалуа Инал-иҧа ирҿиаратә мҩеи иусуреи иалацәажәеит Аҧснытәи Аҳәынҭқарратә Университет астудентцәа имҩаҧгаз конференциа аҿы.

Аҟәа. Жьҭаарамза 20. Аҧсныпресс. Дамеи Касланӡиа. ААУ афилологиатәи, аҭоурыхҭҵааратәи афакультетқәа рыстудентцәеи аҭҵааратә еилазаареи аконференциа мҩаҧыргеит. Ари аусмҩаҧгатә иалагӡаны, уи алахәылацәа Шьалуа Инал-иҧа ирҿиаратә мҩеи иусуреи иалацәажәеит .

Аконференциа аартуа ААУ аректор Алеко Гәарамиа иазгәеиҭеит: “Шьалуа Инал-иҧа аҭҵаарадырра аҿиара азы аус иуан. Уи акыр амыҟәмабарақәа ихигахьан. Аҧсуа бызшәа аҿиараҿы илагала ахә ашьара уадаҩуп. Уи анаука азааҧсаҩ иаҳасабала дҽырҧшыганы дыҟоуп”.

Убри аан, анаукеи, аҵарадырреи акультуреи рзы Аҧсны Ахада иабжьгаҩ Владимир Занҭариа инаҵшьны иазгәеиҭеит: “Шьалуа Инал-иҧа иусуратә мҩа иазкны аусмҩаҧгатәқәа рымҩаҧгара традицианы ишьақәгылахьеит, уи акырӡа аҵакы ҳаракуп. Астудентцәа аҵарауаҩ ду ирҿиаратә мҩа аҭҵаара иадҳәаланы зымҽхак ҭбаау аусура мҩаҧыргеит”.

Шьалуа Инал-иҧа иҧҳа Арда Инал-иҧа илгәалалыршәеит: “Уи игәы иҭақәаз зегьы дызрыхьӡомызт. Аусура анхациркуаз, еиҵагыло аҿар инарыгӡап ҳәа агәыҕра иман.”

Аҭоурыхҭҵааҩы Зураб Анчабаӡе аҧсуа бызшәа аҭҵаара иамоу аҵак ду атәы инаҵшьны иазгәеиҭеит: “Иахьа астудентцәа акыр аинтерес зцу аусумҭқәа ирыҧхьон. Убри аан, урҭ аҧсышәала иахьаҧхьоз даара ибзиоуп, уи угәы имаахәар залшом”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа