Ажәабжьқәа

Популярное

ААУ астудентцәа “Аекономикеи Китаитәи жәлартә дипломатиеи” ҳәа хыс измоу алекциа ирзаҧхьараны иҟоуп

567
31.10.2016 12:00
ААУ астудентцәа “Аекономикеи Китаитәи  жәлартә дипломатиеи” ҳәа хыс измоу алекциа ирзаҧхьараны иҟоуп
ААУ аҿы аусеицуреи аимадареи Реилазаара “Урыстәыла–Мрагыларатәи Европа–Ацентралтә Азиа” ахантәаҩы, Китаитәи Жәлартә Республика иҟоу аҳаҭыр зқәу Аҧсны Аконсул Гэ Чжили алекциақәа дрыҧхьоит.

Аҟәа. Жьҭаарамза 31. Аҧсныпресс. Аусеицуреи аимадареи Реилазаара “Урыстәыла –Мрагыларатәи Европа – Ацентралтә Азиа” ахантәаҩы, Китаитәи Жәлартә Республика иҟоу аҳаҭыр зқәу Аҧсны Аконсул Гэ Чжили Урыстәылатәи Афедерациа Привожтәи Афедералтә округ аҿы Аҧсны Аконсул Владимира Литвинчуки Аҧсныҟа русуратә ҭаара аҳәаақәа ирҭагӡаны, Аҧснытәи Аҳәынҭқарратә Университет астудентцәа “Аекономикеи Китаитәи жәлартә дипломатиеи” ҳәа хыс измоу алекциа ирзаҧхьараны иҟоуп. Абри атәы Аҧсныпресс иазаанацҳауеит Аҧсны адәныҟатәи аусқәа Рминистрра апресс-маҵзура.

Уи аҧхьа, Аҧсны асасцәа атәыла адәныҟатәи аусқәа Рмнстрра аҿы иарбоу ахылаҧшырҭа ахада ихаҭыҧуаҩ Кан Ҭаниа иҧылеит. Аиҧылараҿы Аҧсни Китаитәи Жәлартә Республикеи рыбжьара аекономикатә, агуманитартә, акультуратә усеицура абжьаҵаразы аусуратә гәыҧ аҧҵареи, иара убас, Аҟәа ақалақь аҿы ахәыҷтәы поликлиника ашьаҭала ахәыҷтәы гәабзеирачаҧарҭатә центр аҧҵареи ирыдҳәалоу азҵаарақәа ирылацәажәеит.

Иара убас, Кан Ҭаниеи Владимир Литвинчуки ааигәа иҟалараны иҟоу, Нижегородтәи аобласть агубернатор В. П. Шанцеви Чуваштәи Ареспублика ахада М. В. Игнатьеви Аҧсныҟа раара инамадоу азҵаарақәа жәпакы ирылацәажәеит.

Аганқәа аамҭа кьаҿ иалагӡаны иҟоу азҧхьагәаҭақәеи, егьырҭ, аҩганк ирзеиҧшны ахшыҩзышьҭра зырҭо азҵаарақәеи маҷымкәаны ирылацәажәеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа