Ажәабжьқәа

Популярное

Аҧыза-министр иҿы имҩаҧысыз аиҧылара аҿы аинвалидцәа Рфонд агәабзиарахьчареи асоциалтә еиқәыршәареи Рминистрра аилазаараҿы аусура иадҳәалоу актуалра злоу азҵаарақәа ирылацәажәеит

297
15.11.2019 17:33
Аҧыза-министр иҿы имҩаҧысыз аиҧылара аҿы аинвалидцәа Рфонд агәабзиарахьчареи асоциалтә еиқәыршәареи Рминистрра аилазаараҿы аусура иадҳәалоу актуалра злоу азҵаарақәа ирылацәажәеит
Аиҧылара алахәылацәа аибашьраҿы ахәра змоуз ауаа аибашьра аветеранцәа ҳәа агәраргагақәа рыҭара аҧхьырҟәҟәаара иадҳәалоу азҵаара ҷыдала ахшыҩзышьҭра арҭеит.

Аҟәа. Абҵарамза 15. Аҧсныпресс. Аҧсны Аҳәынҭқарра аҧыза-министр Валери Бганба 1992-1993 шш. Аҧсны Аџьынџьтәылатәи еибашьра аинвалидцәа Рфонд ахаҭарнакцәи, араионқәа рҿы иҟоу аинвалидцәа рассоциациақәа рнапхгаҩцәеи идикылеит.

Аиҧылара атема хаданы иҟалеит аинвалидцәа Рфонд агәабзиарахьчереи асоциалтә еиқәыршәареи Рминистрра аилазаараҿы аусура аиҿкаареи анагӡареи.

Атәыла Анапхгара ахада Афонд агәабзиарахьчареи асоциалтә еиқәыршәареи алаларала аинвалидцәа ацхыраара рыҭара аганахьала аҳәынҭқарра имҩаҧнаго аполитика аеффективра еиҳахоит ҳәа инаҵшьны иазгәеиҭеит.

Иара убас, аиҧылара алахәылацәа аибашьраҿы ахәра змоуз ауаа аибашьра аветеранцәа ҳәа агәраргагақәа рыҭара аҧхьырҟәҟәаара иадҳәалоу азҵаара ҷыдала ахшыҩзышьҭра арҭеит. Убри инамаданы, Валери Бганба 1992-1993 шш. Аҧсны Аџьынџьтәылатәи еибашьра аинвалидцәа Рфонд анапхгараҭара Ахеилаки, араионқәа рҿы иҟоу аинвалидцәа рассоциациақәеи русура аиҕьтәра азы анапынҵақәа риҭеит.

Аусуратә еиҧылара аҳәаақәа ирҭагӡаны, иара убас аибашьра аинвалидцәа рҟынтәи аусдкылара знапы алаку ашәахтә зинҷыда рыҭареи, аинвалидцәа рсоциалтә реабалитациеи, усуралеи асоциалтә нхарҭа ҭыҧлеи реиқәыршәареи аполитика азҵаарақәагьы ирылацәажәеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа